قصص مختاره مضحكة ..

قصص مختاره مضحكة ..

ولا الضالين

موقف ما راح انساه كنت داخل مسجد وقت المغرب ومتأخر والامام يقرا في سورة بعد ما خلص من الفاتحة وكان الميكرفون متعطل المهم دخلت متحمس وبالحق على الصلاة معهم الا وعلى دخلتي اسمع الامام يقول (ضالين) وانا على دخلتي كبرت وقلت آمين .. الا واللي في الصف الاخير ماتوا من الضحك وقطعوا صلاتهم .. وانا احسب الامام في الفاتحه وهو يقرا سورة ثانية .. وسكت الامام شوي وكأن وده يضحك .. واناما علي قاصر ضحكت معهم المضحك اني كنت متحمس


عسى ما نست

مرة زوجتي غيرت الثوب ونقلت أغراضي من الثوب الأول إلى الثوب الجديد .. رحت أصلي الفجر وركبت السيارة وشغلتها وأنا أسوق تذكرت وقلت : عسى ما نست تحط المفاتيح في جيب الثوب ( والمفاتيح كلها بميدالية وحده طبعاً ) !! وأفتش جيوبي والله المشكلة مافيها مفاتيح .. وشلون إذا رجعت افتح الباب !! وانا محتار و أفكر يوم جيت ارجع إلى البيت وأطالع .. وألقى المفاتيح قدامي مشغل بها السيارة ..( والله الذكاء



معرس بألف شوكة وشوكة

واحد تزوج على زوجته ( ومن الحرة اللي فيها )... جت في ليلة عرسه خذت ثيابه اللي بيلبسها ومسحت عليها قشر" برشوم " والبرشوم فاكهة لها اشواك رهيبة وماتنشاف
وبعدها تعرفون الباقي ..



الشغالـة

اتصلوا علينا المطار قالوا ترى شغالتكم وصلت .. وعلى شان نفتك من تفويض استلام رحت بنفسي أخذ الشغالة ... المهم وصلت المطار وخذت الشغالة بطبيعة الحال معها شنطه فيها ملابسها .. استلمت الشغاله وطلعنا للسيارة فتحت شنطة السيارة على شان تحط شنطتها .. تفاجأت ... أن الشغاله مدت رجلها بتركب في الشنطه قدام العالم .. وانا ما مسكت نفسي ما قلت لها لا قعدت اضحك وما مسكت نفسي وقمت أشر لها على شان تنزل والعالم تضحك .. المهم في الاخير نزلت من الشنطه .. بس بعد ما كل الموجودين جاهم مسيل الدمووع من الضحك ..



الصدق زمان

تقول فتاة عن جدتها عندما سافرت بالطائرة لأول مرة ، حيث جاءت المضيفة وقدمت لها الطعام ، فما كان منها إلا أن قالت : والله لو أدري أني أبكلف عليكم ماجيت!!!!




مغازلجي

هذا واحد ما ودي اقول اسم الشهرة حقه طبعا عندنا .... هذا مسوي مغزلجي كتب له رقم في ورقه كبيره على شان يكون رقمه واضح عند البنات مر من جنبه باص زجاجه مظلل شوي ومليان ... قال بس هو اللي انا ابغى طلع الرقم من الدرج وصار يشر للي في الباص وهم يطالعون وش عنده ومره يجي من يمين الباص ومره شمال وقف عند الاشارة قال فرصتي ويفتح الشباك حق السيارة على شان يكون رقمه اوضح فجأه انفتح شباك الباص اللي من جهته .... انبسط صاحبنا ... واكتمل فتح الشباك الا وصاحبنا يفتح عيونه زين الا صار باص عمال ... ويلملم قطع الغيار اللي طاحت من وجهه وياخذ يمين .......





خطوبة

والله ياخوي المواقف كثيره ومن كثرتها ناسيتها لكن اتذكر موقف حصل لاحد صديقاتي محرج مره وهاكم الموقف صديقتي هذي انخطبت وطبعا جاء العريس وابوه لاهل البنت عشان يتفقون على لوازم الفرح والذي منه انتم عارفين طبع 00 المهم اللي حصل ان صديقتي واخواتها يبغون يشفون العريس وكان في غرفه مجاوره لغرفة المجلس يفصل بينهم باب سحاب صديقتي هذه واخواتها متجمعين عند الباب ومطفين النور وكل واحدة تدفع الثانيه تبغى تشوف وفي هذه المعمعه والدافع والمدفوع لشوفة العريس ولكثرة الظغط والدفع مادريت صديقتي الا وهي مدفوعه من الباب الا وهي على رجول العريس طبعا موقف لا تحسد عليه الا والكل يضحك حتى ابوها
والعريس يضحك ويقول والله جتك هديه في زبديه وكان لسه ما شافها ههههههههه موقف رهيب صح

تسلم

هههههههههههههههههههههههههههههههههههههههه ههههههه
يعطيك العافيه:)

تقول فتاة عن جدتها عندما سافرت بالطائرة لأول مرة ، حيث جاءت المضيفة وقدمت لها الطعام ، فما كان منها إلا أن قالت : والله لو أدري أني أبكلف عليكم ماجيت!!!!

هههههههههههههههه حلوووووووه

اضحك الله سنك تقيم تستأهل والله

سلمتم جميعا ايها الاحبة
شكرا لحضوركم وطيب مروركم
اسعدكم الله في الدارين

شكرا لك اخي الغالي

ههههههههههههههههههه

يابو ناصر الموقف الاول صار لي مثله في اول ليله من رمضان قبل كم سنه وكان الوالد الله يطول بعمره هو الامام والي على يساري خوي الوالد في عمره تقريباً ..

واخوك يفكر وقتها في اشياء واشياء من ضمنها اني ابي اصلي العشاء واطلع قبل التراويح لكن المشكله انها اول ليله اصلي معهم كنت مسافر سنه كامله للدراسة بالرياض ... ولازم اسلم على الجماعة وحوووسه...

المهم اني منشغل ماني يم الصلاة الله يغفر..

الوالد وهو يقرأ الفاتحة في الركعة الثانية وصل للآية (اياك نعبد وإياك نستعيــــــــــــــــــــــــــــــــــن ) ووقف . قال اخوك (آمــــــــــــــــين) ههههههههههههه تخيل ..الموقف

مادرييت الى يوم جاني كوع من اللي على يساري ماشي 2000 وتعال امسك ما تمسك الشباب الي بالمسجد تسدحوا من الضحك .. ويوم سلم الوالد ويلتفت علي الشايب الي جنبي قال : هذا الي جبته لنا من الرياض .. وجهي وقتها كان ملون بالوان الطيف والصيف وكل شيء ممكن تتخيله...

الله يذكر ايامها بالخير ... المهم تراها الى اليوم سالفة شلتي هههههههههههههههههههههههههههههه

حللللللوة كتير ههههههههههههههه

هههههههههههههههههه
عادي يابو سعد اهم شئ انك سلمت من الكوع اللي جاك ترى سرعه الفين ماهي سهلة ههههههههههه
مرورك وسالفتك زادت من جمال الموضوع الله يسعك بالدنيا والاخره