الموجودة على يمين المشاركة لتطبيق قوانين المنتدى
لتبليغ الإدارة عن موضوع أو رد مخالف يرجى الضغط على هذه الأيقونة الموجودة على يمين المشاركة لتطبيق قوانين المنتدى
|
|
|
|||||||
 |
|
|
أدوات الموضوع | إبحث في الموضوع |
10-05-2013, 04:42 AM
|
#1 | |
|
بطل المنتدى
|
سماجه إستراحية *ـ^@ (2)
سلاماً من الله يتدن عليكم أحبتي
لقد قمت تقريبا بكتابة 7 روايات ولم أتجرا على نشرها !* ليس خوفا من الفشل ! ولا لعدم ثقتي بالنفس < السبب مجهول بالنسبة لي هذه الروايه قد تكون مختلفه عن البقيه لي ان ناس كثير اعطوني افكار عليها وطبعاً ذكرت مواسسين الروايه وناس شجعونا على اكمالها مع العلم بأني لست راضيه عنها كامل الرضا ؟! الروايه من تاليف: عبسي الطويل_ ليلى الكويتيه_ احمد التعريف بالشخصيات راح يكون خلال الاحداث نبدا باول عائله تعريف بالعائله الاب : فهد مدير لاحدى النوادي عمره 52 رجل وقور وتظهر ملامح الطيبه على وجهه الشيب يكسي شاربه وشعره أعز ما يملكه في هذه الدنيا بناته وكان يتمنى بان تاتيه بنت ثالثه ولكن ليس كل ما يتمناه المرء يدركه الام : لطيفه ربة منزل عمرها 48 مطيعه لزوجها وهي الام والاخت والصديقه بنفس الوقت أمنيتها أن ترى أحفادها جميعاً الاخ الكبير سعود نائب مدير في احدى فروع شركة اهليه عمره 29 متزوج وحرمته : نهى (بنت عمه) وعنده توأئم بنت ولد (أثير* أحمد ) أعمارهم 4 سنوات (يحب السيطره متسلط على أخواته سريع الغضب ينصاع لاوامر زوجته أطول شخص في العائله وأبيض واحد فيهم ) عادل مهندس ميداني عمره 25 مملك على وحده من جماعتهم ( شخصية مزاجيه يوم يكون شرير ويومين حبيب على حسب *,* ) الاخت الكبيره وعد عمرها 23 مخطوبة تدرس رابع جامعه تخصص تغذيه (انطوائيه ومجتهده في دراستها لان طموحها تصير اخصائيه تغذيه ) ندى عمرها 20 أولى جامعه في كلية التصاميم والفنون (اجتماعيه وتحب السوالف وماخذه الدنيا لعب حلمها الوحيد تسكن بكوريا ) وفيصل عمره 15 (هو وندى توم جيري ) ندى كالعاده حاطه السماعات باذنها وتشتغل بالبيت ام ندى : ندى ي مال العافيه اسمعيني ندى ما ترد على امها لانها ما تسمع الا صوت الاغاني جاءت امها وسحبت السماعات عساك بالصلاح فككيك من هذي الاغاني اللي ما ندري وش يقولون فيها يمكن يسبونك يسبون دينك ندى : هههههههه ي امي انا عارفه معنى الكلمات اللي بالاغاني وحافظتها بعد الا ما قلتي لي بغيتي شي يا طويلة العمر امها : وحافظتها بعد مالت عليك وعليهم وعووه (تسوي كش بيدها) ايه اذا خلصتي من الشغل بخري البيت ندى : ابشري الا يمه قولي آميين امها: آميين ندى: ي عساني اتزوج واحد بزنس ويسفرني كوريا واعيش هناك . وتركض امها: لا حول ولاقوة الا بالله بنتي استخفت كلش فهد ينادي : ي لطيفه لطيفة لطيفة : لبيه أمر جايتك فهد : ما يامر عليك عدو انا والعيال بنسافر حائل جهزي لنا الشناط بنحضر عرس واحد من عيال ربعي لطيفه : على خير ان شاء الله الا وفيصل يجي يبه : وماد البوز شبرين فهد : وش عنده الزعول فيصل : ابي اروح معكم فهد: ومين يجلس بالبيت عند اهلك انت رجال لازم تجلس معهم فيصل : انت قلتها انا رجال والرجال لازم يروح معك ما يجلس بالبيت وبعدين ليش مو عادل والا سعود يجلسون هنا مو هم رجال فهد : < تورط ما يدري وش يقول حجر له ولده لطيفه تدخلت : انا ابيك تجلس معنا فيصل وشوي بيبكي: ماابي اجلس بروح معهم وراح لغرفته يكمل المناحه هناك وهو بالطريق شاف ندى ندى : وش عنده الزعول يبكي فيصل : مالك دخل ي القرقاره ندى : هي ي قليل الادب هذا جزاتي اسال فيصل ؛ ابوي مو راضي اسافر معه حائل ندى : ابوي بيسافر ! فيصل : ايه ومعها اخواني بعد ندى شاقه الابتسامه : هلالا بالوناسه فيصل : وش تقولين ندى : لا سلامتك طيب وهو ليش ما ياخذك فيصل : يقول لازم اجلس هنا عشاني رجال البيت ندى تلوي بوزها وتقول بينها وبين نفسها<~ الا بزر البيت والنشبه بعد فيصل : اقنعيه اروح معهم ندى : ابشر بس كم لي ! فيصل : مئة ريال وما يشوف الا غبار ندى ندى : يبه فهد يتابع الاخبار : نعم ندى : يبه ليه ما تاخذون فيصل معكم حرام تكسرون بخاطره وهو في فتره مراهقه فهد: وش عندي مشتغله محامي له تبين الفكه منه ندى : لا الله يطول بعمرك السالفه ما توصل كذا بس هو مسكين ويبي يغير جو وتراه جالسه بالغرفة يبكي لطيفه : ايه تكفى خذه معك ولا تكسر بخاطره المسكين فهد : خلاص طيب قولي له ابوي يقولك جهز شنطتك ندى : ابشرر وتطلع من الصاله وهي تغني وتناقز وتروح لفيصل : وتقوله وين الميه حقتي فيصل : يعني ابوي وافق ندى : يس فيصل متقطع من الوناسه ؛ ويقوم يحب ندى والله انك كفو يالنشميه ندى : اقول اخلص وهات الفلوس فيصل : ابشري بس اصبري اطلعها وجلس يحوس بالدرج وطلع الميه اسحبتها ندى وتروح تركض لغرفة وعد وتدخل بدفاشه وعد تكلم صديقتها : وتجي ندى وترقص وتغني وتقول لوعد عندي لك خبر جمميل وعد : تشوفيني اكلم صح اقضبي الباب ندى : تكلمين مين ! وماني بطالعه بنشب وتقوم ترقص وتغني وعد ؛ بس بسس قرفتيني انتي وذا الكوريين ندى : اصصص بس ولا تغلطين عشان ما اطب في بطنك وعد: تكلم صديقتها وتقولها انا بسكر اكلمك بعدين لان في عندي وحده مجنونه ندى : مجنونه انتي وصديقتك وعد : الحين وش دخلها البنت تسبينها ندى : مدري وتحرك كتوفها وعد : وش الخبر اللي مزعجتني فيه ندى : ابوي واخواني بيسافرون > وتقوم ترقص وعد : مريضه هذا بدل ما تقولين الله يحفظهم يروحون ويرجعون بالسلامه ندى : ما قلت شي الله يحفظهم ويوصلون بالسلامه ويرجعون بالسلامه (اراسوا) وعد : اراسوا ها مالت تكلمي عربي زينا يالشينه مسويه فيها انا الفتاه اللي احب كوريا واتعلم كوري ندى: لاحول انتي وامي ابفهم شي واحد ليش مو راضين تستوعبون انها ثقافة يعني انا اتكلم كوري عشان افهم لغتهم ما تدرين يمكن اسافر هناك بعثه او اشتغل بالسفاره السعودية اللي بكوريا ماتدرين وعد تسكر اذنها : بس يالقرقاره لقلقلقلق ما تتعبين مسجل ندى: يووه انتي حدك سامجه اروح اشوف اخر اخبار حبايب قلبي وافتك منك وعد: روححي فككه نزلت للصاله وشافت وعادل وسعود يتساسرون عادل : لا تكلمه بالموضوع الا بعد ما نرجع سعود: ليش ؟ مو الحين احسن عادل : لان الموضوع حساس مره ومانبي ابوي يفكر فيه سعود : ع خير ندى جاتهم وهي شاقه الضحكه وش عندكم حاطين راسكم براس بعض في مشكله صايره اعترفوا سعود عطها ذيك النظره اللي اخترقت الجبهه : انتي وش دخلك ندى تغير الموضوع : دخلني الباب ههه سخيفة ما عجبتكم صح سعود : المطلوب اضحك اسمعيني ان ما بطلتي حركات البزرنه ذي مو احسلك تراك كبيره بالعمر عمرك 20 منتي بمراهقه سامعه ندى تلوي بوزها : يصير خير عادل : اتركها عنك لا تسوي لك مشكله مع ابوي ندى : اسمع النصيحه من مجرب هاهاها سعود اخذ المخده ورماها على ندى الا شوي وابوها داخل فهد : وش عندك ع بنتي ها ؟ عادل يهمس لسعود : جاك الموت سعود : امزح معها الله يطول بعمرك ندى ساكته عاجبها الوضع وتلعب بحواجبها الاب فهد : هالمزح لا تمزحه مع بنتي امزحه مع حرمتك كلش الا انك تمد يدك على بنتي سامع سعود: سامع ياطويل العمر ندى تتدلع : الا اقول باباتي متى بتسافرون على خير فهد : الفجر ان شاء الله ليش ؟ ندى : تسافرون وترجعون بالسلامه يارب مافي شي بس ابي شوية اغراض من السوبر ماركت فهد : ابشري الحين اوديك عادل وسعود تدخلوا : لا يبه احنا نوديها انت ارتاح ويعطون ندى ذيك النظره التهديديه ندى : نعم ليش تنتظروني كذا انا ما قلت شي شفت يبه وهذا احنا ما رحنا وعيالك يسوون كذا فهد : انا ادري عيال خبز يديني ان ودك بيهبلون فيك عشان كذا تجهزي وخلي وعد وفيصل يجوون ندى : حاضر وتطير فوق وتنادي فيصل وعد يلا بنروح للسوبر ماركت وعد : اي سوبر ماركت ندى : التميمي فيصل : يلا بتجهز واجي وعد : مو مشكله بروح البس عباتي واجي خمس دقايق الا والكل جاهز فهد : ها لطيفة تجين لطيفة : لا سعود بينزل احفادي بجلس معهم فهد : جيبيهم وتعالي معنا ندى : لا يبه خير محنا ناقصين بزران لطيفة : وانتي وش عليكم منهم جالسين على راسك لا تخليني اعاند واجيبهم ونجي ندى : لا الله يخليك ما تسوينها وتحب راس امها فهد : يالله امشوا الا ماقلتوا لي وين ندى وفيصل وعد بصوت واحد : التميمي فهد شغل السياره : ع خير ان شاء الله ندى ركبت هي وعد وراء لان فيصل مسوي فيها انا الرجال اللي اركب قدام وعد : اسمعي يالخبله لا تخمين اشياء سامعه ندى : اصص بس الا بابا فهد : عيون بابا ندى : كم راح تجاسون بحائل بعد حيي فهد: كنك تبين الفكه منا ندى : لا وشدعوه يبه بس اسال فهد: ثلاث ايام ندى بصوت خفيف : اجل بشتري اغراض للسهره تكفيني مدة ثلاث ايام وعد : الحمدلله والشكر وجلسوا ساكتين طول الطريق بس يسمعون صوت المسجل ابوهم حاط لهم شريط (ابو ملوح ) لانه يروق عليه وصلوا للتميمي ونزلوا وبنفس الوقت وهم نازلين وقفت سيارة سوداء من كراز مايباخ ندى تشهق : وعد شوفي مايباخ نفس اللي شفتها بالنت وربي هي بالزبط موديل 62 Landaulet وعد: وش اللي شفتيه وش ذي المايباخ ! ندى :سيارة يامال العافيه اسكتي لاحد يسمعك ويضحك عليك ما تعرف المايباخ وعد: مهبوله طيب وش دخلني فيها اذا عرفتها والا لا ندى: انتي لو تدرين هذي كم سعرها كانت جلستي تبكين وتنوحين وعد : ليه كم سعرها ! ندى: لو ابيع اخوانك ما يجبون سعرها ههههههه وعد: مريضه احد يبيع اخوانه اخلصي علي وكم سعرها ندى : يبوهه لا تسوين فيها انا الفتاه المودبه طيب سعرها فوق خمسة ملايين ي حظظي ابكي على حظي المنسدح وعد تشهق : كذابه وتمشي وهي مصدومه وتسولف مع نفسها ندى: ودي اشوف اللي نزل منها اذا كان حليو والا لا وعد ما ترد ساكته للحين فيصل : انتي وياها امشوا بسرعه تمشون على بيض ي مال العافية ندى : طيب وتسحب وعد يتبع: الاسبوع القادم ان شاء الله |
|
|
|
10-05-2013, 11:04 AM
|
#4 | |
|
زائر
|
رد: سماجه إستراحية *ـ^@ (2)
وانا اقول ليش متحلم البارح يامال العافيه والدجاجه حافيه وفيه عيون ناعسه وعيون ساهره
شكرااااااااااا عبسي على المسلسل اللي طلعوا ونزلوا  |
|
|
|
|
|
|
