الــخـــريــــــــــطــــه

المشاركة الأصلية كتبت بواسطة wleed

سينومي ريتيل .. اللي باع فوق 16.60 هنياله حقق هدف جبار لانها مقاومه

هني ياله .. وعلم احمر بعد

المشاركة الأصلية كتبت بواسطة wleed

هني ياله .. وعلم احمر بعد

والشركات اللي معلنه ارباح
تنجلد ثاني يوم جلد

شكلهم يلعبون على النفسيات
وجعل من يتداول يجيه الاحباط والياس من السوق

يا يبيع بخساره
او يترك السوق لهم

رعاية والتصنيع وزين اخر اللاحقين بركب الصعود

المشاركة الأصلية كتبت بواسطة ابوعبدالرحمن

والشركات اللي معلنه ارباح
تنجلد ثاني يوم جلد

شكلهم يلعبون على النفسيات
وجعل من يتداول يجيه الاحباط والياس من السوق

يا يبيع بخساره
او يترك السوق لهم

خلينا نتكلم بوضوح ونشير بالسبابه للمشكله
انت قصدك ان السهم اللي يعلن ارباح يهبط خلال اسبوعين او شهر مثل نسبة هبوط السهم اللي يعلن خساير او تراجع قوي بالارباح ؟

اذا نعم اختر شركه رابحه ومعلنه بشكل جيد وانجلدت
وانا من عندي 4 شركات اعلنت اعلان يسود الوجه وباثبت لك انها نزلت اكثر

الاعلان دائما حصيلة مجهود 90 يوم تداول
فلو في هذه المده صعود قوي .. ولكن مع الاعلان هبوط .. معناها صانع السهم صعد وشبع وصـرف وغسل ايديه لانه عارف كم بيربح هذا الربع .. وعشان يخوبرك يسمح للماليين عند القمه بشوية تسريبات عقود اصلاحات تفاهمات عشان هم اللي يطبلون على سهمه
فتلبس انت بجدار

الامور الماليه ليست ذريعة دخول سهم
الاخبار الجميله عند ورودها تقل شهية الناس الخبره بالدخول بل تجعل المحترفين يحددون اقرب الاهداف عشان يشردون

هذا عيب اللي ما يفتح شارت ويشوف وين راح السهم قبل الاعلان بشهرين او 3

من الخدع الغريبه
افتتح السوق وولاء قريب النسبه تحت
اغلق السوق وولاء 4% احمر
وطب بدالها مسك قريب النسبه تحت

احدهم شرى ولاء تحت واغلق السوق والمحفظه مخضره
والاخر شرى مسك لانها لها هيبه فيما مضى وسكر السوق والمحفظه حمراء

المشاركة الأصلية كتبت بواسطة wleed

الامور الماليه ليست ذريعة دخول سهم

الا بشرط مهم وقهري
لو كنت ناوي تستثمر عدة سنوات مهما كان سعر السهم

لا تهمك لا قمه ولا قاع يعني وهو 30 بتشتريه وهو 14 بتشتريه
لانك تبي التوزيعات
مثال على ذلك سهم الكهرباء يوزع 70 هلله من 45 سنه مضت والدوله مثبته توزيعاته لانها تبي ناس تشتري فيه بديل للعقار

الذهين اللي شراه من 15 سنه او 17 سنه تحت 11 ريال ... وقفّل عليه حتى اشعار اخر ولو وصل 20 ماراح يبيعه لانه يبي العوايد

شوف اليوم جاهز
طول الفتره الماضيه وهو ينزل

واليوم معلن عن ارباح
وفي الافتتاح نزل السهم قرابة 8٪


وكذلك نايس ون
الاسبوع الماضي
نفس طريقة جاهز
لدرجة ان اغلب الموجودين بالسوق يتكلمون ان شركاتهم لا تعلن ارباح

لانها بتنزل اليوم التالي…

نراقب اليوم افتتاح الذهب
نبي منه انه يهبط
يصير عندنا صعود اسبوع او اسبوعين
الوضع مضاربه وبحث عن القيعان للدخول والتمركز

لازم ذبح قبل الصعود

السوق غالبا متأثر بالفائده
اما يخفض فينتعش ثلثين الشركات
او ترفع الفائده فينتعش ثلث الشركات

للان ماسكين التعرج الهابط
وحنا لازم نحقق مويجه صاعده الى ١١٩٠٠ قبل اخر سقوط

القصه حظ مع اي افتتاح واول نص ساعه

باختصار كل سهم سوق لحاله
اغمض عينيك عن البقيه
لانهم مؤثرين في اتخاذ قرارك

المحللين الفنيين مستهدفين من صانع السوق

خصوصا اللي يطبقون العلم بلا تفكير خارج الصندوق
لان هناك الخبره تتفوق على العلم حاليا

السبب سلوك الاسهم الغريب وتكوين شموع غامضه لها ظاهر وباطن
حتى المحللين الان بعد ان كانوا يعطون عدة اهداف
استسلموا وصاروا يعطون هدف اكيد وتلميح لهدف ثاني غير مضمون

انا ابيكم تركزوا فقط على القيعان ..لان اصطياد قاع مغلف بالتشكيك
كأنك تصطاد سمك بسناره ضعيفه وموج هايج

ماهي افضل الاسهم حسب الحركه في مايو

جيب دفتر وابحث عن الاسهم اللي تفاجئك باغلاق ايجابي عكس ما كان طوال فترة التداول اللحظيه
الزحف ببطىء باغلاقات وسط ضجيج الاحمر والاخضر
كل يوم تسجل بعد المزاد وتكون عارف مين كان تحت ومين دز مع الاغلاق