بسولف عن الي بخواطركم !!!

بسولف عن الي بخواطركم !!!

السلام عليكم

مانمت بسبب الهبال الي صار بالشمالية
جالس اتخيل واحسب واخطط لـ [ رعاية ] ههههههههه

واحد من الشعب السعودي قال له خويه اشتر الشمالية تحت 20 وقفل واعرض بتدبيلة !
شراء بـ 19 وقفل .. انشغل بعمله وهو راجع من العمل فتح الايفون شيك على السوق لقى الشمالية فوق 30 !!
ويدعس للبيت ويقطع الاشارات ويدقق على احد عشان يبيع له ماحصل احد
بعد ربع ساعة وصل البيت !!
فتح الشاشة وكانت اطول لحظات عمره ههههههه
لقى السهم 40!!! ويعطيييييييه سعر سوق ويروح بـ 42 !!!

شوي إلا السهم 50 - 60- 65 - 68 [ يعر شوشته ويتحسف ] لو كان ماشي بهدوء وروقان كان باع بـ 60 ]
ههههههههههههههه

تعال يبو تحليل انت وياه
نجران خيشكم .. واسمنت المدينة حطططمكم والكل توقع السهم الشمالي مابين 16 و 19 !!!
بلوووا تحليلكم واشربوا مويته !!!

سوقنا سوق معلومة ومن يمتلك معلومة يغتني ويعين خير
ومن يتابع التحليل [ ربحه طفسة ]

سوق الأسهم ياتدخله بمعلومة واثقة ولا مصيرك الخسارة بصراحة
انا انسان حولي ناس بالهبل بسوق الاسهم وكلهم يتابعون التحليلات الفنية
[ كلللللللللهم خسرانين من 10 % الى 60 % ]



[ خااااااااالف التوقعات - خالف السوق - خالف تفكير السمك ]

وصل امانة 80 ريال قالوا الي يشتري منتحر وبيحرق فلوسه
طلع السهم لين 200 ورجع لـ 140 [ كل الي قالوا عند سعر 80 ان السهم محرقة وصوا على شرائه !!! ]
رجع السهم 200 وتعداها لـ 290 وبسط ملاكــه

والسهم في موجة نزوله علق ناس بالهبل على بين 120 - 160
والان حول 50 ريال

المتكاملة [ اغلاق الشركة على الابواب لن يسددوا الشركة تعجز الشركة ضحكة ... الخ ]
من دخل بـ 18 وباع بـ 25 أتوقع عوض تعليقة سنة كاملة !!

[ قبلها عذيب] السهم بـحدود 20 ريال يتداول بعد ماتمت زيادة رأس المال
الناس السهم رايح [ 40 ] بعدها [ 70 ] السهم بيحقق ارقام قوية السهم خرافي والمضارب رهيب
اخرتها السهم يحقق [ 10 ] ريال تدبيلة تحت هههههههههههه مقلبهم

[ زين ] سهم الثراء انتظروه بعد الحج عند 20 واكتتبوا وتعلقوا حتى بسعر الاكتتاب
زين الأن 8 ريال [ خالفهم ]


الأن [ سوليدرتي ] قووووة تطبيل للسهم من شهرين السهم رايح لـ 60
والمضارب يشده لين 40 وينزله .. وعمل هذي الحركة اكثر من عشر مرات
وش يمنع المضارب من شدته السهم لمافوق الأربعين ؟! [ تصريف واضح ]
احذروا سوليدرتي ..


[ خـــــالف الناس ]


قبل سنة قالوا سوق رايح 12000 نقطة
الناس تتأهب لـ اختراق 8000 دورة اقتصادية وحانت الطفرة ودخلت السيولة
المؤشر يوقف عند 7950 ويرجع لين [ 6400 ] ويعلق الناس ويخسرهم اكثر من 50 %
والمحلل الفني خسر 30 %
وصاحب المعلومة ربحان 100 % يشتري على النسب الدنيا ويبيع بربح 10 % !!!!

وصارت في مبرد والصادرات وغيرها أيام النزول القوووي !!


[ لاتسير مع القطيــع شغل مخك غامــر وكل ما اشتد التحذير درعم وانت امن ]
اليوم كل المحللين ب يقولون اخر فرصة للبيع بـ 24 بيعوا قبل ينزل
وعطاهم المضارب صورة مع [ 68 ]

لاتجعل نفسك تابعاً لـ أصحاب التحليل
ولاتجعل نفسك وسيلة تصريف لأذناب الهوامير

ابحث عن المعلومة الواثقة والدقيقة تربح [ غير كذا خلك بالمدرج ] ارحم لك

تحياتي ..

مع العلم اني خسران [ 50% ] .. وآآه ياقلب العنا

الله يعطيك العافية

كلام يدخل القلب

ولكن من اين الحصول على المعلومة هذه هي السالفة

تشرفت بتواجدك بيننا