المشاركة الأصلية كتبت بواسطة wleed

الحقيقه وتعتبر من النوادر انت تقريباً تعلم الغيب
في نوفمبر طلبت منك لا تبيع
في ديسمبر طلبت منك ما تبيع
في يناير وعلى مدار 30 يوم طلبت منك اصطياد القمه والتخفيف على الاقل الثلث
كونك مع كل ريال يجي تطمع في اللي وراه فهذا لابد من كبح جماحه والا ستدور في حلقه مفرغه لعقود دون فائده


لا تلبسني تهمة دفعك لبيع فيبكو او اميانتيت او حتى زين او اسمنت الشمال
طالما تبي تبيعه بيعه دون الرجوع لي ..الا لو تريد تحبسني او تدخلني في غرامات مع الهيئه

الاكثار من الالحاح على التبديل وبيع هذي وشراء هذي سيجعلني اتجاهل اسئلتك ..ارجوك يا حبيبنا .. تمالك نفسك .. طلبت منك تقفل الشاشه وانت مصر تقضم اظافيرك قدامها ولمدة ساعات ..ياخي احكم عواطفك والا اترك السوق لمن يقدر يجاريه
شاري لي درزنين شركات وانت مو قادر تتصرف مع شركه وحده في التخفيف والتعديل ..وطريقتك في الدخول عشوائيه وغريبه ..تجمع خشاش على متوسط على اسمنت وكل مجموعه تتحرك في اتجاه وبرتم يخصها
ممكن تقفل الشاشه 3 شهور (90 يوم)

اعذرني راح تكون ردودي حاسمه وتردك للطريق الصحيح ..لا تعتقد ان كثرة السطور في كل مشاركه لك بتخلي اسهمك تعكس لفوق ..التحلطم لن يدخل قرشاً زائداً لجيبك .. الله المستعان