منتدي نبض السوق السعودي - عرض مشاركة واحدة

26-10-2024, 09:11 PM

طبعاً انا اخاطب بسام بن سليمان العبيد

السؤال الصحيح :
هل المؤشر في مسار هابط ؟؟

اما
هل يستمر في مسار هابط يعني الاخ قرر وخلص

طيب بحكم انه قرر .. معناها جالس يحلل فنيا
ممكن يخبرنا هو يتكلم على اي فريم ؟؟
اذا فريم الساعه نتفق معه

اما جاي يحلل شهر اكتوبر بس وينزل مقال طويل عريض عشان تحليل لشهر واحد ينفع للمضاربين اللحظيين ...انا اسميها ارجاف غير مبرر وغير منطقي

تاسي من وقت ذيك الشركات اللي دبلت اكثر من مره وهو في مسار صاعد
اقصد قبل يبدأ عام ٢٠٢٤ بشهر شوفه على الشارت سنه واحده بس وشوف كنا وين وصرنا وين

اللي دبلت
الكيميائيه
الصناعات الكهربائيه
تكافل الراجحي
تشب
عذيب
انابيب الشرق
اميانتيت
مسك
انابيب السعوديه
الوطنية للتعليم
اعاده
اكوا باور
سال
الابحاث
واخرهم الباحه

طيب يقول قائل : هذولا سبقوا السوق وممكن يصححون

اوكيه من منتصف مارس وحنا ننزل (12880) وكمدة زمنيه لنا ٧ شهور تقريبا .. متى بيصححون ؟

اذا الشركات الصغيره تحتاج اكثر من ٧ شهور عشان تصحح .. اجل القيادي كم يحتاج عشان يبدأ يصحح ؟
٧ سنوات ؟؟
القصه ما تحتاج تحليل فني .. محتاجين بس " الدايفرجنس الخفي " للمنطق والعقل

اذا سهم خشاش طمر وقفز حواجز وكمل شهرين او ثلاثه عند القمم ورفض يصحح .. هذي اسمها بداية طفره .. واللي طمر اول بيكمل قبل غيره لانه يستغل الخضخضه عشان يروح بدون ازعاج

وش رايكم في زجاج كم له حول ٥٠
وش رايكم في مكه كم له فوق ١٠٠
وش رايكم في الغاز كم له فوق ٩٥
وش رايكم في ساسكو كم له فوق ٧٢
وش رايكم في باتك كم له فوق ٣

زمان قبل كورونا كان السوق يطلع طلعه حقت ٥ او ٦ شهور يكون واحد من الاسهم يطير و يجيب كم تدبيله ويسقط .. (تشوف قمته كنها سكين حاد)
لان بيرجع ويغطس كم سنه

اما من ٢٠١٨ اللي يصعد اول تدبيله بشكل متزن وثاني تدبيله بشكل ملفت ويصححهم بشكل بسيط ومتزن تلقاه يقلع التدبيله الثالثه والرابعه
بدون ما يعبر احد .. جزء من السوق راح خلاص فلا يفوت الباقي بس توقع الافضل اداء وخسايره بسيطه وعنده محاولات تحول نحو الربحية

او خسايره كانت كبيره وحرق اسهم وطفى خسايره ومازال قريب من قيعان ٥ سنوات ... مش قريب من قمم ٧ سنين