من هو الغبي في سوق الاسهم ؟

من هو الغبي في سوق الاسهم ؟

سؤال فقط ..................................؟

من يملك الاجابة لا يبخل بها ....

ههههههههههه

انا متأكد ان فيه كم واحد دخل للموضوع وما عرف يجاوب.

طيب نشوف الاجابة من طرفي

كان فيه واحد " على نياته " ..

جرّب يستثمر أمواله !
وكان عنده ببغاء يتكلم ..
لكن مشكلة الببغاء .. إنه كل ما شاف راعيه قال : ياغبي .. يا غبي .. يا غبي ! ..
راعيه ضاق صدره ... وقرر ياخذ الببغاء لمدرب الطيور علشان يعدّله ...
: يا مدرب الطيور .. شف لك صرفة مع هذا الببغاء .. كل ما شافني فشلني عند الناس " غبي ، غبي " ! أبيك تدربه زين وتعدّل كلامه .. علشان يغيّر هالكلمات الي يرددها كل ما شافني
قال المدرب : ما عليك .. خلّه عندي كم يوم ..
ولما راح راعيه .. جاب المدرب " سطل " مويه حاااارة .. وحطه قدامه .. وسأل الببغاء ..
: أنا مين ؟!
قال الببغاء : أنت صديق الغبي ! ..
وينزله المدرب في المويه الحاااره ثم يطلّعه .. ويسأله ...
: أنا مين ؟
قال : أنت صديق الغبي ..
وينزله في الموية مرة ثانية .. ثم يطلعه ..
: أنا مين ؟
.. وعلى هالحال .. حتى تربى الببغاء وتسنّع ..
أخيرا .. قال له المدرب ..
: أنا مين ؟!
قال الببغاء : أنت صديق أذكى واحد في العالم ..
ويوم جا راعي الببغاء .. قال المدرب : تفضل اسأله ...
قال راعي الببغاء .. : أنا مين ؟!
قال الببغاء : أنت مين ؟! وهذا سؤال !! .. أنت الذكي .. إلا أنت أذكى واحد عرفته في حياتي !
قال له راعيه : .. طيّب .. وإذا لعبت بفلوسي على كيفي ؟!
قال الببغاء : .. هذي فلوسك .. من عرق جبينك .. تسوي فيها اللي تبي ..
قال : طيّب .. إذا دخّلت فلوسي في " ارض بعيدة عن العمران" ؟!

قال الببغاء : ممتاز .. حركة استثمارية في غاية الذكاء .. ومن أذكى واحد في العالم ..
: طيّب .. وإذا دخلت فلوسي في مساهمه" الجمعة" ؟ ..
: طبيعي .. تنويع استثماري .. من أذكى واحد في العالم !
: طيّب .. وإذا دخلت فلوسي في بطاقات " سوا" ؟..
: ذكاء خارق .. وماشي مع الحكمة اللي تقول " لا تحط البيض في سلة واحدة " .. فعلا أذكى واحد في العالم !
: طيّب .. وإذا دخلت فلوسي عند " العيد " ؟ ..
: عادي .. وزي ما يقولون " حشر مع الناس عيد " .. صحيح إنك أذكى واحد في العالم ..
: .. طيّب .. وإذا دخلت فلوسي في الأسهم ؟!
قال الببغاء : يا عمي هاااات الموية ! .. قايلّك هذا أغبى وأثور وأدبش واحد في العالم !!

مداعبة ولكن الاجابة تختلف