الطقس في المملكه والعالم والظواهر الجديده

بودي اكتب عن الطقس كل شوي خصوصا انه موسم عجيب غريب ومتغيراته مضطرده من دخل رمضان والتقلبات والحالات تتأرجح بشكل يدهش الحليم
الغريب أيضا كل ما قلنا الحالات تتلاشى رويدا رويدا نتفاجيء بشده وغزاره واكشن قادم وهو ما سيبدا او بدا عجزنا نفصل الحالات عن بعض
المهم اني اعجز عن الكتابه عن الطقس وفيه عشرات الاسئله تلاحقني عن البورصه والأسهم واخاف اكتب عن الطقس وانصرف يزعلون حقين الأسهم تخبرون الوقت حساس ومنطقة التذبذب تحتمل عدة سيناريوهات
كل هذا وحنا برمضان المفروض تعبد واجتماعيات وراحه من أعباء الدوام كما ان الوقت قصير جداً وما تلحّق على شيء ..ان طلعت الشارع ضاع وقتك في زحمات هالعالم المنكبين على الأسواق .. الى المغرب اكل وعيشه .. وبعد التراويح ملابس وخلقان .. تقول جايين من صحراء وين هالنشاطات قبل رمضان .. خلق الانسان عجولا

الوضع يزداد خطور وحذر غرب نجد بأكملها ...سحب استوائيه عملاقه قد الرياض اربع او خمس مرات تنطلق من جبال السروات شرق جدة ومكه والطائف وتهامه وعسير والمدينه وتغزو حائل القصيم الدوادمي الافلاج وادي الدواسر الوشم وسدير

امطار الرياض ومحيطها اليوم الاثنين

http://www.m5zn.com/newuploads/2019/05/20/gif//b0979337250de48.gif

الكل منا تعود على عواصف ورعود الأفلام الاكشن والخيال العلمي وانها مبالغه وتضخيم مدى حقيقه الرعود والبروق الحقيقيه وحتى العواصف
ولكن ما ستراه الان هو حقيقه صدق او ل تصدق هذا امر راجع لك ولكن ما حصل في هذه المدينه "جيفرسون" بولاية ميسوري


pic..com/Mt6OytK4OL
pic..com/y2SzpFOmMW
pic..com/DI53cMzlZO
pic..com/A5dxaznMnN

بالنسبه للحاجزين على أوروبا في العيد وما بعده ..للأسف أوروبا بشهر يونيه حر وكل مل تروح غرب او شمال تزيد الحراره
ابرد أماكن في اوروبا هي إيطاليا وخصوصا جنوبها ..تخيّل شيء يجعل الحليم حيران
طيب لو حجزك في أماكن مرتفعه يصير تمام مثل سويسرا او جبال الالب في أي دوله
نشوف وضعيه واحد اليوم شمال إيطاليا بيخرج من بيته وبيته اعلى جبال الالب :
pic..com/AhQAUm1emb

بامانه عمرك شفت سيل يطمر ممشى بهذا الشكل ؟ اللي قدامك الممشى اللي اعلى الشلال ويطل عليه

pic..com/FLwTrMno7m

وهذي هي المنصه اللي غمرها الطوفان والتصوير قديم
pic..com/izwXcIpOsR

من العايدين الفايزين.. عيدكم مبارك .. تقبل الله منا ومنكم صالح الاعمال