الــخـــريــــــــــطــــه

اسمنت المدينه كان عنده قاب صاعد ونزل قفله امس
لازم يرجع فوق 12.40 لو اخترقها قفل عليه فيه صعود جميل

الواحه في شهر 5 لعام 2024 يعني قبل سنتين الا شهر حقق قمه عند 5.41
ثم صلخهم بمسار هابط حرق محافظهم الى 2.09 وبدأ يصعد ويخترق جميع القنوات الهابطه
اخترق اخر قناة هابطه عند 2.36 وراح حقق قمه ورجع اختبر الاختراق الاخير
وقفنا كسر 2.41 وقفل على الشركه وراها صعود الى >> 2.60 >> 2.84

اسمنت القصيم من اغسطس الماضي وهو يسوى نموذج بالقاع ادم وحوى
الاختراق عند 44.40
المفروض الشراء امس عند 42 كانت فرصه محترمه
اختراق 43.70 قفل عليه بيخترق النموذج

محتاجين نشيل 11290 عشان نضمن اكمال الصعود غداً باذن الله

المشاركة الأصلية كتبت بواسطة wleed

النزول للشراء لان الاحمر لذيذ من 1 ابريل الى اليوم

المشاركة الأصلية كتبت بواسطة wleed

البعض يدخل سهم في هالاوقات وينزل شوي ويخاف يتعلق ثانيه وهو ملسوع السنتين الماضيه

هناك فرق جبار بين القمم والقيعان
نتكلم عن سهم ينزل من سنتين او من 3 سنوات وربما من اربع سنوات وكاسر قيعان كثيره
هذا السهم لو تعلقت فيه ما تعتبر مغامر لان التعليق فوق القاع الرئيسي بـ15% مثلا ما تعتبر تعليقة طويله اضمن لك خلال شهر وانت تشوف ارباح لانك دخلت في منطقة تركيب نماذج القاع واللي تاخذ وقت وتقلق الناس لكن الصامل اللي متابع اخبار سهمه وعارف انه يتحول من خساير الى ارباح او تزيد ارباحه ولو شوي شوي هذا بيصعد سهمه لا شك في ذلك

كل مشكلتي ان الاسهم تخطف من امام اعين الناس وبعضها خلال اسبوع يشقلونها 30% بغمضة عين ويعيدون تسعيرها وسط الضجيج والتقلبات النفسيه ثم يصعب وقتها اتخاذ القرار

ببساطه السهم اللي سوى قيعان في نوفمبر او ديسمبر وطارت ورجعت صححت هي الافضل وانت قاري عن الاعلانات السنويه او الربعيه مماثل او سابق .. الغدر بالصعود يشبه الغدر بالسقوط كلها تاثر في المتداول وتحوس نفسيته

المشاركة الأصلية كتبت بواسطة wleed

لعبوا عليكم اول ربع ساعه
سواء بالارجاف امس وقبله
والهوامير كملوا الخطه بنزول اعمار وسابك بشكل مباغت

اي احد يناقشك في خبر سابك قل له : عطني خبر من مصدر موثوق او حكومي

المشاركة الأصلية كتبت بواسطة wleed

واضح ان اللي محمرين من الصبح هذولا مرتبطين بالمؤشر وما راح يخففون الاحمرار الا بزياده نقاط المؤشر من 20 الى 30 نقطه او 40 نقطه المهم انهم طماعين ويتشرطون
وفيهم فرص كثيره للتجميع
يعني صفت على حوالي 20 شركه فيها زخم وحركه ومضاربه ومنافع
باقي الـ 200 شركه يدبون ببطء شديد لانهم ما يبون لفت النظر الين يصعدون 30% ثم خذ تفلت ورقص على كيفك

المشاركة الأصلية كتبت بواسطة wleed

x اسهم الناس تبي تتخلص منها قبل تكمل هبوط x ... مقوله خاطئه جداً
الاسهم اللي تنكرف 4 سنوات او 5 سنوات وهم يجلدونها .. ما في شيء اسمه تكمل هبوط لانها خلصت الهبوط ولو طارت وسقطت مره ثانيه لن تبعد عن قاعها لانها في مرحلة تركيب نماذج وخلق مسارات وقنوات وترجع تختبر اختراقات
لذلك تعطي 25 او 30% ثم تهدي وتموت اسبوع او 2 ثم تقفز مع تشتت الناس وانشغالهم بالتطبيل على الاسهم الخضراء والندم ومصمصت الشفايف... ما هو وقت بيع الان
لذلك تابع المؤشر وهو يحقق قمم جديده فقط واي نزول هو للشراء اي احمرار اجمع اي تخويف بنسب تحت(بوان مثلاَ) اجعلوا صانع يندم على فعلته وان لا يكررها
هدف المؤشر بعيد شوي حول 2000 نقطه

طيب ممكن السوق يصعد بقوه والاسهم تصعد باستحياء وما نستفيد ؟؟؟

هو سيناريو وارد ومحتمل على الاقل لثلث الشركات
بس هو مؤشر على امساك السهم
يعني ما ادري وش القصه امسك سهمي مهما كانت الخساره الى ان نقترب من 13000 وبعدها اشوف وش جاب لي وممكن افضل وقتها الكاش عن الاسهم الين اجد فرصه جديده .. باختصار الان شراء ويحبذ في اسهم قريبه من قيعان 2025

نصحت بالوقت المناسب بداية مارس والايام الثلاثه الماضيه ..التفتوا للاحمر وليس الاخضر