الــخـــريــــــــــطــــه

المجموعه السعوديه محاولة فحص وتمحيص على فريم يجمع اللحظي واليومي عشان الربط والوصل بين الشموع والاغلاقات والافتتاحات

فرينا الاسهم 3 مرات خلال شهر اغسطس وقدامنا اهم فره الوكيند الجاي بكره عشان نحسم امر الاسهم الذهبيه والفضيه

الان خلونا نشوف بس القطاعات المخترقه او خلاص باقي تكة وتخترق عشان
لما تصيد سهم ومعه قطاع نشمي تتخيل انك بتعدي بسهمك :

(1) قطاع المواد الاساسيه



من شمعة القاع الثالثه انفرطت السبحه من قوة الشراء >> اختراق >> تقاطع متوسطات >> تباعد يعجبك
بعدها نزول لاختبارات مهمة ما فيه الا اغلاقين تحت المتوسط الاحمر بس شوف كيف لاصق فيه وما يبي يبعد عن حبيبه الا نقاط بسيطه وعقبها مباشره كل شمعة هاي جديد


(2) قطاع السلع الرأس مالية

هذا اللي ماشي على الكتاب كما انزل .. اخترق سوى موجة وهبط واختبر بكل سلاسه .. كما هليكوبتر توقّع ثم تقلع .. ورجع لمس الازرق لحاله تحسه حريص على سداد كافة الديون
بس ايش الفرق بينه وبين اللي القبله ؟
ان السيوله الشرائيه ليست عنيفه مثل المواد الاساسيه .. لان التقاطع تم في القمه والتباعد اخذ عدة شموع يعني استهلك كل الشموع الخضراء من القاع للقمه معناها كر وفر في الدخول والخروج


(3) قطاع الخدمات الاستهلاكيه


يبدو اقلهم قوه لانه استهلك شموع كثيره ما بين الاختراق والتقاطع والتباعد .. بس لاحظ اخر شمعه زاد التباعد مع اختراق ممتاز يعني هذي اقوى شمعة حتى الان .. شوفوا اسهم هذا القطاع كم فيهم طيب وخش ولا تناقش احد


(4) قطاع الادويه


طلوع متأني من القاع فاختراق ..فعجز ومحاولات صمود ثم سقوط ومع الطلعه الثانيه تقاطعت المتوسطات مع التصاث للشموع بها تبعه سقوط سريع ورجوع مع شوية تفحيط لبدأ التباعد ومع النزله الاخيره حصل اخيرا التباعد تحسها حرمه حامل جالسه تضني وتعسرت الولاده وزبطت بالاخير لذلك الارقام مهم تشيكها غدا بعد الاغلاق


(5) قطاع الاتصالات السلبي يخربيته


لانه مخترق بس يفشل .. طبعا دام الاحمر فوق يعني لا ثقه فيه بقيادة اس تي سي ..اما موباليلي فعيني عليه بارده ..لذلك ضارب لين تتعدل المتوسطات ولو غدر تفرج


البقيه لست ما تحسنت احوالها وبعضها قريب اختراق بس ما نوعد احد بشيء فقط هذي اللي تحسنت مع الوقت
والافضل البترو والمواد الاساسيه والاسمنتات

دور على مظاليم القطاعين وخذ رزقك