الــخـــريــــــــــطــــه

المشاركة الأصلية كتبت بواسطة wleed

شاكر طبعا كسر ٣٥.٧٠ وهي وقف الصبور
ولكنه دقر عند ٣٣ وله كثر من اسبوعين بين ٣٣ و ٣٥.٧٠
١٢ جلسه ومسار عرضي ..انا متاكد انه بيضرب ٦٥ في النهايه
فما تفرق شلته باي قاع قادم لانه حاسم امره بالصعود
لو قدرت تشيله فوق ٣٢ بشوي تصير ضربة معلم

وش رايك يابو فهد في شاكر بعد التجزءه

المشاركة الأصلية كتبت بواسطة wleed

وفره وسمو صبرت عليهم شهرين والا التزمت بالمكتوب ؟؟

• سمو لا زال مسود المحفظه
  
• وفره الحمد لله بعتها فوق الخمسين
  
• وفقك الله ابو فهد

المشاركة الأصلية كتبت بواسطة الرقم السري

وش رايك يابو فهد في شاكر بعد التجزءه

قصدك المنحه
كل ٦.٦٥سهم يعطونك سهم
او اضرب عدد اسهمك في 0.15 عشان تعرف الزياده كم

المنحة لا تغير الهدف ولكن تطيل زمن التجميع شهر زياده

من باب التخفيف عن مشاهده هبوط الاسعار في نصف شركات السوق

الافضل ماليا خلال عام ٢٠٢٤ وتحديدا الربع الاول



عالميا
https://www.argaam.com/ar/article/ar...ail/id/1729372

المشاركة الأصلية كتبت بواسطة wleed

شمس نرفع وقفه لـ 0.75 ==> 0.85 ==> 1.05 مهمة باغلاقات ==> 1.30

هل تعلم ان سهم شمس كان سعره لمدة ٣ سنوات (من عام ٢٠٠٠ الى عام ٢٠٠٣) كان ب ٨ هللات فقط
وقمة ٢٠٠٦ سجل ٢.٧٣ ريال
تعادل ٣٤ تدبيله وحكاكه

عموما اسفل 0.84 مقلق ويحتمل تجميع
واعلى 0.86 ريال أمن وينتظره صعود مجزي واختراق١.٠٥ تأكيد الصعود

المشاركة الأصلية كتبت بواسطة كاسر الموج

الله يحفظك
تخلصت منها باقي فقط كميه لا تذكر . الحمد لله

كثر الله خيرك والله يغنيك . مع الافتتاح إن شاء الله نتركها كليا

انت تقول بعت الفضه .. معقوله عارف كم سعره الان

المشاركة الأصلية كتبت بواسطة wleed

من باب التخفيف عن مشاهده هبوط الاسعار في نصف شركات السوق

الافضل ماليا خلال عام 2024 وتحديدا الربع الاول



عالميا
https://www.argaam.com/ar/article/ar...ail/id/1729372

ابو فهد
ايش رايك في اميانتيت
كاستثمار متوسط
هل هناك له فزه وتدبيله
بعد ان رفع راس ماله ونزل الي مايقارب 22

والله يسعدك

رفع راس المال او تجزئة السهم او الحقوق او حرق الاسهم
لا يهم اثناء الصعود او الهبوط
وليس محفز لصعود السهم
ولا قاهر للسهم ليجبره على الهبوط

لا يعني شيء في مسيرة السهم

ولكن من الذي يختار زمن وقوعه او اظهاره للعلن ليقرأه الجميع ويتناقشون فيه بل وربما يتجادلون فيه بشكل حاد ؟

صانع السهم او محرك السهم الرئيسي وشبه الوحيد

اكيد هم رأوا انهم يحققوا اقصى استفاده من الخبر
لذلك يختارون التوقيت بل ويسلسلون كل اخبار السهم الماليه وفقا لتحركهم

مثلها مثل النماذج الفنيه والتي تنحصر مهمتها في تحديد اهداف السهم فوق وتحت

لذلك التداول على اساس فني هو الاقرب للواقعيه والاكثر نفعا
يكفيك ان تعلم ان القانون لا يجبر هوامير الاسهم الكبار على الافصاح عن نواياهم بل لا يعاقب اي محتال او افاق ينشر معلومات كاذبه
والادله كثر عدد شعر راسك
من طلعت سالفه اعلان الحاقي تصحيحي وحنا في دمار وغش وتدليس
انا ابغى اتتبع خطى صانع السهم رغم انفه وانف من يتآمرون معه
الإجابه ... التحليل الفني

المشاركة الأصلية كتبت بواسطة ابوعبدالرحمن

ابو فهد
ايش رايك في اميانتيت
كاستثمار متوسط
هل هناك له فزه وتدبيله
بعد ان رفع راس ماله ونزل الي مايقارب 22

والله يسعدك

اميانتيت ناخذ طفرته الحاليه ونفصلها
السهم انطلق من مدة قريبه (٦ شهور) من ١١.٧٨ الى ٣٢ وكسور
هل نعتبر هذي هي موجه واحد ؟؟
اذا نعم معناها باقي لنا موجه ٢ الهابطه واللي المفروض تاخذ عدة اشهر
طيب ولو اخترق ٣٢ مره ثاني
عندها نتأكد ان موجه واحد لسه ما انتهت وباقي فيها ارتفاعات
طيب هل موجه واحد مفيده ؟
لو بتاخذ السهم قبل ٦ شهور في القاع ١١.٨٠ اكيد ممتازه .. لكن اني اخذ السهم بسعر ٢٦ او ٢٥ او ٢٤
هذا قبل تغيير الأسعار
اكيد مو كويس هذا القرار
القاع الحقيفي تحقق في يونيو ٢٠٢٢ (١٠ريال) رغم كسره في ديسمبر ٢٠٢٣ لكن مع بقيه الشركات حبوا يسوون ترويع فوصلوه ل٩.٧٠
طيب وش نسمي الحركه اللي حدثت من يونيو ٢٠٢٢ الى نوفمبر ٢٠٢٣
لانها قيعان وقمم صاعده قصيره وتجميعيه ؟


كان المفروض ما يكسر ٢٨ وفعلها فعلا بس للخداع
الان مقاوماتنا :-
٢٦.٩٠ ثم ==> ٢٨ ==> ٢٩ ==> ٣٠ ==> ٣٢
للاسف الشارت غير محدث عندي ولازالت اسعاره قديمه قبل المنحه

ملاحظه عن تاريخ السهم
قمة ٢٠٠٦ كانت ٤٧٣
ومن كسر ٤٠ اواخر ٢٠١٧ ما شم صعود وطفرات
طبيعي في ٢٠٢٤ و ٢٠٢٥ يوصل ١٥٠ بعيدا عن تصحيحاته اثناة موجته العملاقه القادمه

اميانتيت
لو ٣٢ نهاية موجه ١
قد يتحقق هذا السيناريو



عند كلمة موجه ١ وقت كسر القناة يا ترى كم واحد انغدر فيه وخصوصا المتعلقين .. كان الله في عونهم