عبر عن حالتك النفسيه.

يابنـت يلـي فـوق خـدك مناديـل
يلـي علـى فرقـاي دمعـك تهلـه

لاتذبحينـي بالـرمـوش المظالـيـل.
.يـم الرمـوش الناعسـه والمظـلـه

يبو جديل(ن) لا انثنـى كنـه الليـل
يشبـه ذيـول مهـاوزات الأظـلـه

تشـوف خلـق الله جنـون ومهابيـل.
.لاجـات بالملعـب وقامـت تفـلـه

ياوردتن مالـت علـى ظفـة النيـل
.يملـهـا ريــح النسـيـم وتمـلـه

بنتـن تشابـه للنـجـوم القنـاديـل.
ماهيب صورة فـي غـلاف المجلـه

ليتـك تعذرينـي بقطـع المراسـيـل
.خل العتب في ماضي الوقـت خلـه

الله يـلـوم الـلــي لـحـالـي يـلـومـي ==== لا ساهر سهـري ولاهـوب مهمـوم

ماهـوب مثلـي يزعجـه كـل يـومـي ==== هـم يلـوج بـداخـل الـصـدر مكـتـوم

مايزعج النفس إلا بعد غاليها

ولا يسعد القلب إلا شوفة احبابه

مدري علامي دايم الدوم محتاس متكدرن والنوم ماقد صفالي

كل شي يولد صغير ,, إلا غلاك
وكل شي مني قريب ,, إلا وصالك

كل شي عنده شبيه ,, إلا حلاك
وكل شي عنده عيوب ,, إلا خصالك

اول اســـولـف لك اذا زارنــي ضـيـق
...........................والـــبـارحه ســولـــفـت للـضيق عنّك

صــــارحــتــه بــكـل اللـذي فـ الـمعاليق
...........................وقــلــت لــــه: أنـّـــك ..وأنّـــك...وأنّـــك

وحطيت راسي فوق صدره على الريق
...........................ويـومـه بـكـا مـن ضـيـقــتي قلت : كنّك!!

يـقــول : وشـ لـك تـشــتــكـي للمخاليق؟!
...........................واقـول : هـذا غـيــر!! لا تـســئ ضـنّك!!

وصــار وجــهــي لـدمـعــة الضيق ابريق
...........................شــفــت الـذي اتـســويـه وبــرغـم سنّك؟!

تــوي عـرفـت الـضـيق لـه صدر ويضيق!!
...........................وصــار ضـيــقـي وضـيـقــة الضيق منّك!!

ومـن يـومـهــا مــا مـر لـيـلــه بـــلا ضيق
...........................واكـــثـــر ســوالــفــنــا انـا ويـاه ... عنّك

ملّيت انا أشكي وانا حزني مرَاعيني
يا صاحبي لا تزود الجرح وتعلـّه
مهموم يا صاحبي , لاتقول ( وش فيني )
ولا تسأل : الدمع يوم انه ذرف (من له )