دستــــور الاستراحة

دستــــور الاستراحة

السلام عليكم ورحمة الله ..
بسم الله الرحمن الرحيم ..
حيالله جميع أعضاء وزوار منتدى نبض السوق السعودي.


وترى المحل محلكم كل أبوكم:



من الأشياء اللي نفتخر فيها ان استراحة المساهمين تعتبر الواجهة الرئيسية لهذا الموقع الضخم اللي يرتاده فوق الآلاف
من الأعضاء بإستثناء الزوار



وكون المنتدى يحتل هالمكانة الكبيرة اللي توسع الصدر وعشانه المكان الأول لكل الزوار والمتابعين حبينا نحط لنا دستور جديد
ومُحدث موديل هالسنة عشان نبرز الصورة الأساسية للجميع تجاه المواضيع والردود ومنها نحاول نحافظ على هذا التميز والإبداع اللي تعيشه أركان الاستراحة
وماتصير الدعوة حواق وكل شي يخرب ثم نتزاعل ونخسر بعض ثمن يقفلون المنتدى وتاكلونها على راسكم




* الدستور *



الاستراحة قسم مميز يجمع جميع الفئات ..
مكان يضم كل المميزين بجميع الفئات من الكاتب الروائي الى الناقد الى المناقشات وغيرها ..
وليست للفله ولا سعه الصدر وبلوت وتقشيم حب كما يعتقد البعض ,
الاستراحة مكان تجد فيه الجميع لكنها
مو مثل استراحه الضيافه الي على طريق الثمامه ولا هي قهوه على طريق القصيم
لذلك وجب التنويه والتنبيه لعده قوانين رئيسية في الاستراحه هنا ..
لتكونوا على إطلاع تام بكل المطلوب.

القسم يرتقي بكم ويفخر بكم ويتشرف بكل قلم مميز.........
الاستراحة لكم ومنكم وبكم تنجح لذلك نرجو الالتزام بالقوانين ..




* قوانين نبــض استراحة المساهمين (والأدب والشعر)*



= صياغه الموضوع تعتمد عليك لكن ما نبي جلسة سوالف وتدخلنا بموضوع وتطلعنا بثاني
حط السالفه براسك واكتبها يعني حتى لو تكتب لنا بالاوردو عادي بس خليها بصياغه تشد القاريء وتجذبه .
= لك الحريه كيف تكتب لكن تتميز لو كان موضوعك باسلوب مو لازم تصير كوميدي علشان تفلح
لكن نفضل العاميه وماعندنا مشكله بالفصحى اكتب باللهجه اللي انت قادر عليها
ومو شرط عشان قلنا فصحى تقول نزار قباني وقهوة الصباح وزقزقه العصافير .
= وعزيزي الاستراحة عامه للجميع والكل يدخلها بس اذا عندك اكثر من موضوع
خلي بين الموضوع والثاني 2 يومين الى 5 عشان ياخذ حقه ولا تخليهم ورا بعض كنك تجمع ريالات بحصاله
واذا تبي مواضيع تتثبت وتتميز وماتروح للخلف روق ع الموضوع واعطيه حقه .
= أي موضوع : رد فيها إساءة أو ت أو عنصرية تجاه منطقة أو عائلة أو قبيلة او مذهب من المذاهب
تعتبر مخالفة صريحة لقوانين منتدى نبض السوق السعودي وصاحب الرد راح يتوقف فوراً
بدون تنبيه مسبق يعني لا تدرعم وتقول ليش وقفتوني هذا انا علمتك:
من هالالفاظ بتاخذ تنبيه واحتمال توقيف ولا تقولون مادرينا < .
= في الاستراحة الحصري مهم فيمنع منع بات انك تنزل اي موضوع نزلته قبل سواء كان في اي محل
= المواضيع الدينية ندعمك فيها ونفرح فيك بس بشرط انك تذكر المصدر
وتحط الموضوع الديني في محله
واي شي فيه خلاف علمي مرفوض مرفوض مرفوض ياولدي .
= حدك الائتماني في الرد على المواضيع اللي كان آخر رد لها
قبل شهر اما تجي وترفع لنا موضوع قبل له 5 شهور
لا تشره على المشرفين لو حذفوا ردك لو كله حكم
فلا تجي تزعل وتتحلطم بعدها ولا تقول مادريت .
= لا تجي تنزل موضوع له نفس فكره سبق ونزلت فالحل هنا دمج الموضوعين
ولا يهون الموضوع الي نزل
= الززززينه ما نبي طلاسم هنديه ولا رومانيه ولا نبيك تزين الموضوع
وتخليه كنه معبد في الهند لان وقتها راح تكون عملية البحث في قوقل
صعبه وموضوعك راح يكون صعب اكتشافه فإذا تبي موضوعك يكون بالمكانه الي يستاهلها
مالك الا انك تحذف هالفكره من راسك .. !
= التثبيت مجهود يقوم فيه المشرفين وهو وجه نظر المشرف
و متى ما حسيتوا انه يستاهل راح يتثبت الموضوع من اسبوع الى 10 ايام
وللتنويه المهم ودك يكون موضوعك مميز مو مشكله ارسله على طول لي انا شخصيا
قبل تنزله اما تنزله وترسله وتقول ثبته مو شرط يتثبت لانه احتمال مايعجب المشرفين ومايكون طبقاً للشروط .
= المشرف دوره ما يقتصر على اعمال الاشراف هو جاهز لخدمتك في صياغه مواضيع واعطاء راي في اي وقت كان وفي اي زمان يعني
كلنا هنا في خدمتك عشان تبدع .

دستوووووووووور يااااااا ساحل الغربي .. فليت في بحرك أشراااعي

ياااموووج هوَّن ع قلبي .. داعيه من شطكم داااعي !!

أحلى دستووووووووور لأحلى رئيسسسسسسسسسسسسسسسسس

اخوي ابو غسان جفت الاقلام يوم حل طاريك لي انها لا تسطيع ان توفيك حقك

بارك الله فيك اخوي الغالي

مميز بطرحك