أنا على درب المروات مقدام = وفيني على شوف النشاما شفاقه

أنا على درب المروات مقدام = وفيني على شوف النشاما شفاقه

شد الركايب وأطلق الشوف قدام
وأبشر بقلب مايخون الصداقه
ياصاحبي ماني من اللي ليا هام
قفل حسابات الخوي والرفاقه
والله لوردهـــا مواريد الأحيام
والبحر يصفق من يرد اصطفاقه
أنا على درب المروات مقدام
وفيني على شوف النشاما شفاقه
لا لايغـــرك قول حاسد ونمام
بينـــــي وبينك ماتضيع العلاقه
معا مرور الوقت وامرور الأيام
غلاك يوسع في ضميري نطاقه
لو الغلا يرسم بريشه ومرسام
كتــبت لك عهــــد ونص اتفاقه
مادام راسي حي والله مـادام
لأقدرك وأغليك ياأغلى الرفاقه

صح لسانك وتسلم يمينك يا إليا صهل

جرح الصداقه ما تداويه الايام
لمن جرحني صاحبي وش بقالي

لصار اعز الناس بيزيدك آلام
من ترتجي يا قلب تشكيه حالي

عزي لقلب دايم الدوم منضام
ما شاف فهالدنيا رفيق موالي

صح السانك وتسلم يمينك اخي الغالي

المشاركة الأصلية كتبت بواسطة نبض الاسلام

جرح الصداقه ما تداويه الايام
لمن جرحني صاحبي وش بقالي

لصار اعز الناس بيزيدك آلام
من ترتجي يا قلب تشكيه حالي

عزي لقلب دايم الدوم منضام
ما شاف فهالدنيا رفيق موالي

المشاركة الأصلية كتبت بواسطة عبدالمجيد

صح لسانك وتسلم يمينك يا إليا صهل

المشاركة الأصلية كتبت بواسطة نبض الاسلام

صح السانك وتسلم يمينك اخي الغالي

يعطيك العافيه اخوي ع القصيده ارئعه

بيض الله وجه من هو حافظ حق الأخوّه
في زمان ماحفظ به راعي الذمه وديعه
مايخون الخوه إلا واحد مابه مروّه
ما تقيده السلوم ولا تقيده الشريعه
ذا رفيق مايسرك لو سقاك دلال ضوه
كل يوم له رفيق يشتري فيه ويبيعه
أبتعد عنه وخله لاتخيل بروق نوه
لو زمى سيله وزبّد ماتبارك به ربيعه
ياهني منهو يصد ولادرى بكثره وشوه
يدعس الدنيا برجله من رفيعه في رفيعه
دام به حيلٍ يشله زاد رفعته وسموه
لين يلقى له مكانٍ فوق خلق الله جميعه
مستقر فيه يمشي شايخٍ بارضه وجوه
لو رفع بيده عصاته جاته الدنيا مطيعه
إن عطى يعطي مروه وإن خذا ياخذ بقوه
وإن عوى ذيبان يربض كل ذيب وسط ريعه
واثق في كل خطوه مالتفت خلفه وتوه
لو بغا مليون سكه ماتضيق به الوسيعه
ول ياوقت تغير وانقلب حدره علوه
قلب قلوب الأوادم والحق الطيب هزيعه
كم خويٍ شفت خيره كم خويٍ شفت سوه
كم مكانٍ شفت فيه هنا وصل وهنا قطيعه
كم رفيق لو نشدته عن مواجيب الاخوه
ماعرف هي من سلومه او قوانين الطبيعه

صح لسانك