قصة مكعيل

قصة مكعيل

مكعيل هذا رجل بسيط يماني من صعدة بلغني انه من يهود اليمن الناس هناك مسوين بسطات حول التجمعات والجوامع ويبيعون فيها خردوات ،السيد مكعيل صف معاهم وحط بسطة ما فيها شيء ما غير علبتين يملأهما تراب (قواطي متربة)..! الناس تروح وتجي وتبيع وتشتري وهذا المهبول كل يوم قاعد قدام العلب لا هو راض يغير النشاط ولا أحد حاول يشتري منه شيئا هاك اليوم. جا احد المحسنين وعطف عليه ،قال له : مكعيل وش تبيع؟ قال : علب (قواطي) قديمة، قال المحسن : وش فيها ؟ قال مكعيل : تراب ..!! اندهش المحسن ..! وقال : طيب اللي يشتريها وش يستفيد ؟ قال مكعيل : لو ما حد شراها منك انا اشتريها..!استغرب اكثر المحسن وقال : والله هالمسكين (شكله منسم) وما عنده غير هالعلبتين ابي أتقرب الى الله وافك عقدته واشتريهما منه وخلصنا. قال له : بكم هالعلبتين اللي لهما سنة عندك ما حد شراهما؟ قال مكعيل: الواحدة بريال قال المحسن وهذي ريالين يالله هاتهم. وتوه ما قعد والا الباب يطق : طقطق طق .. طقطق طق .. كع كع كع .. دجدج دج ..بغى ينكسر الباب .. قام الرجال مفزوعا وفتح الباب بسرعة .. الا مكعيل واقف. قال المحسن: شفيك ... شفيك .. خير .. عسى ما شر .. مالك يا مكعييييييل ؟؟؟! (بلهجتهم) قال مكعيل : العلب اللي اشتريتها مني، قال المحسن: شفيهم؟ قال مكعيل: تبيعها؟ اندهش المحسن وفغر فاه .. وقال: انا الحين مسوي فيك خير ومخلصك منها تجي تشتري ثانية .! والله ما تلقى أحدا يأخذها منك بعدي.
قال مكعيل : اخلص علي .. أبعطيك فيها ربح بس تكفى بعني اياها .
قال المحسن : وبكم تشتريها؟ قال مكعيل : بخمسة ريالات..!!!
جن جنون المحسن : وقال يعني دبل السعر وزيادة ورد مكعيل تبي زيادة قال: المحسن : لا لا هذا كفاية تفضل هذي العلب لقطهم من عند رجليك وهات الخمسة. يوم جاء العصر والا هالرجال الطيب معلم جيرانه كلهم عن مكعيل وسوق مكعيل وقال لهم انه يبيع القواطي واذا احد اشتراهما يشتريها بضعف السعر. اندهش الجميع وبدأ سوق مكعيل يثير فضول الجميع حتى التجار الشطار .جوا عنده اليوم الثاني والا هو صاف له (20 قوطي) ومعبيهم (تراب) ويبيع العلبة بخمسة ريالات... الناس تطاقوا عنده كل واحد يبي يلحق له اكبر كمية قبل غيره . وما امداهم يدخلون بيوتهم والا مكعيل يطق عليهم الباب : طقطق طق .. دبدب دب .. دجدج دج ويطلب منهم شراء القواطي بضعف قيمتها .. يعني العلبة بعشرة .. !!!!! انتشر خبر مكعيل وسوقه ،صار اليوم هذا يوم جمعة.. يوم كثرة الناس واجتماعهم وتسوقهم ،وهاليوم تحديدا جو الناس وهم منذهلون بالكاش طمعا في سوق مكعيل اللي باع ماشيته واللي باع بسطة القات اللي تدخل عليه ذهبا واللي باع ثيابه ..المهم كلهم وعقب صلاة الظهر اجتمعوا على بسطة مكعيل دون غيره دخلوا السوق خاويا على عروشه ، وياتلحق يا ما تلحق وتكفى يا مكعيل ، وبكم يامكعيل ؟ : قال العلبة بـ 95ريالا ...!!! ما كمل كلمته والا البسطة باللي عليها ممسوحة مسحا. حتى اللي مالحق باقي مسوي زحمة ومطلع دراهم يبي يذبها على الرجال وهو يقول : خلاص .. خلاااااص مافيش .. مافيش .. تعالوا بكرة.. وتجمعت الطلبات ولكن بدون عروض .عقب هالطقاق وارتفاع اسعار القواطي الفارغة او (المليانة تراب) الى ارقام فلكية وغير منطقية جا اليوم الثاني والثالث والرابع وما جا مكعيل طبعا كل يوم يتأخر عليهم .. تفقد من قيمتها شي واجد .. مدري كم تعادل بالنسبة ومن اللي يحط النسبة بس كانت ماشية بالبركة. راحوا اصحاب القواطي عنده .. قالوا شفيك .. عسى ما شر ما عاد جيت البسطة ولا عاد بعت ولا شريت...!!! عسى ما شر .قال : صحيح .. صحيح ... والله انا غيرت النشاط ....!!!ولا عاد لي بها البضاعة مصلحة لكن اكيد بتلقون من يشتري منكم ..!!!صعق الجميع .. وعادوا الى قواطيهم لعلهم يجدون بداخلها ما يمنحهم شيئا من الصبراو يتعوضون به عما لحقهم من خسائر فتحوها واذا هي مملوءة بالترااااااااااااب ...!!! فصار بعضهم يعرضها على بعض بنصف المشترى اللي جو في الاخير قالوا : يالله هات ، ويوم نشبت في حلوقهم عرضوها بنصف مشتراهم وصارت هذه العلب مثل الجمرة في أيديهم ويحاول كل واحد ان يرميها على الثاني بأي شكل، وكل من بلش فيها عطاها غيره بنصف التكلفة الين تلاشت قيمتها وصارت ببلاش .. وصارت خسارة محضة .المشكلة ان كلهم يوم فكروا لقوا انهم بلا عقول .. فأخذوا يتلاومون : وين عقولنا ؟!عاد هدولي من جد يبي لهم من يأمر لهم بعقول ..معقولة نشتري علبة مصدية وما فيها غير تراب بما يعادل قيمة بقرة حلوب ...

هههههههههههههههههه

قصة حلوة تنم عن ذكاء مكعيل من جهة وسياسة القطيع من جهة ثانية

يعطيك العافية اخوي سعود

بارك الله فيك

وش قصدك احس انك تقصد بعض الاسهم بالسوق
هههههههههههههههه

قصة رهيبة ههههههههه وياكثرهم هالايام

المشاركة الأصلية كتبت بواسطة mustathmer

هههههههههههههههههه

قصة حلوة تنم عن ذكاء مكعيل من جهة وسياسة القطيع من جهة ثانية

يعطيك العافية اخوي سعود

تسلم ياعزيزي

هههههههههههههههههههههههههههههه

اجل اليهود ملاعبن من زمان ههههههههههههههههههههه

1000 شكر يابرنس

الله يعطيك العافية