منتدي نبض السوق السعودي - عرض مشاركة واحدة

14-11-2017, 09:32 PM

اقتباس:

المشاركة الأصلية كتبت بواسطة المسلفط

هذا المنتدى هو بيتنا الأول ولا لنا غناه عنه الله يعافيك بو فهد والقائمين على هذا المنتدى كنت متوقع ايقافك من أمس ودخلت الظهر اليوم ولقيتهم معطينك ايقاف خخخخخ ما ارتاحوا الا بعده أجل تبي تنافسهم بعدد الصفحات وكثرة متا بعينك كنت شاد حيلي معهم بقسم التحليل الفني وأرد بكثرة على الخاص في بعض البرامج حتى شكرا من الادارة ما قالوها وأخيرا اصبحت متفرج

عموماً .. انت تفيد الأعضاء مش المنتدى لذلك استمر .. وانا وهم مثل القط والفار ودهم بحظر لي نهائي ولكن يبقى بعض المشرفين ودهم ببقائي لذلك تجد صراع فيما بينهم وانا قد وقفت سنه ونص وش صار ولا شي انا مازلت اكتب .. واللي عارف انه انسطر كف وانخم وانسرق ماله تاب وجلس يبحث عن كتاباتي لإنقاذ ما تبقى من راس ماله .. واللي ابله ويشوفهم وهم يغيرون معرفاتهم كل ما لونوا لهم 10 معرفات باللون الأخضر وكتبوا تحته من الرخيص شوية حشو عشان يصرفون 15 او 20 شركة ولا انكشف وصاروا العالم تسب وتشتم فيه شرد واختفى من سنتين لـــ 3 سنين لين يروح أعضاء ويجي لحم جديد ليعود من جديد ويكمل مهمته
ووقت انقطاعه .. تخش معرفات جديدة يتم تلوينها لتكمل مهمة المعرفات السابقة المختفية وهلم جرّا
اللي فيه شوية فهم باساسيات التحليل يكتبون تحت اسمة محلل فني .. واللي دجاجة صقعاء ما قدر يستوعب اقل عناوين التحليل يكتبون تحت معرفه كاتب قدير

هل تعلم ان هناك معرفات شارطة ما تكتب حرف واحد الا بعد ايقافي .. يقولون فضوا لنا السكة يا جماعة كيف نكتب وذا ورانا من موضوع لموضوع بشارتات وأرقام تقصم ظهر الموضوع وتخلينا في نص هدومنا من الردود لانه يجعل العضو يفكر بدال ما يمشي ورنا على عماها