منتدي نبض السوق السعودي - عرض مشاركة واحدة - الطقس في المملكه والعالم والظواهر الجديده

21-10-2017, 01:26 PM

تنبيه للكشتاته شمال الرياض والقادمين لبران وفياض شمال الرياض
الطوقي فيه جروف وحفر وهويات من اهل الدراكيل والشيّولات عمقها 4 متر وتصل في أماكن أخرى لـ 8 متر فلا صرت بالطوقي وتمشي على نفود او رمال خلك حذر مره وانتبه تمشي بالليل .. شركات تسرق من هالرمال مساحات كبيره ولا تضع تحذيرات تنهب وتهج وانت ماشي بسلامة الله ما تدري الا السياره منقلبه في حفره لا قدر الله .. عمموا هالتنبيه عن الطوقي وما حواليه التنبيهات عن الموضوع لها اكثر من 3 شهور واضح انهم في كل مره يسرقون من مكان مختلف الى الان صار عدد الحفر الضخمه 3 في أماكن متباعده الحفره الوحده قطرها 200 متر وغير منتضمه يعبون لهم 300 او 400 سكس ويذلفون ولا من شاف ولا من درى .. عمموا على قروباتكم وفي حسابات التواصل حقتكم .. لان بدت مواسم المكشات وخروج العوائل والله يحفظنا وياكم والمسلمين اجمعين ..ولا حول ولا قوة الا بالله

https://www.instagram.com/p/BZ6LFDzh5Hu/

pic..com/BFCpHIIzb7

pic..com/rTu4dkhLKw

pic..com/jYd4OF8QJo

pic..com/7dwIDUdIQZ

pic..com/IPZhCcnu4J

pic..com/LKeBbqoRbI