دنيا بلياك قلي ويش ابي فـــيها
بدونك الكون ياعمري ولاحاجه
تعال ضمد جروح القلب داويها
لمسة يدينك ضماد الجرح وعلاجه
تعبت اداري انا الاشواق واخفيها
تعبت من بحر شوق تلعب امواجه
تعبت من غربة تتعب طــواريها
تمطر دموع ٍعلى الخدين ثجاجه
ياصاحبي ياهنا نفسي ومشقيها
جتك المشاعر تصيح بصدق محتاجه
في وسط صدرك تقبلها ودفيـــها
واغلق عليها بمفتاحه ومزلاجه
ارجع وعيـــني فديتك لاتبكيها
ارجع وخل الخفوق يضوي اسراجه