منتدي نبض السوق السعودي - عرض مشاركة واحدة - الطقس في المملكه والعالم والظواهر الجديده

18-03-2017, 01:32 AM

اقتباس:

المشاركة الأصلية كتبت بواسطة الصامدة

حسبي الله ونعم الوكيل
ليش عليهم نقص ؟ وين المهايطين بالذبائح والدلال والبخور والهيل عنهم بنفس البلد
ماتقول ببلد ثاني وصعب ان يوصلون لهم

خلينا افضل نستهدف الكشّاته لعدة أسباب :
1- انهم يلتقون بشكل مباشر ويحتكون بالرعاة عدة مرات طيلة النهار والليل
2- ان الكشاته يغيرون عزبّهم كل فترة والثانيه اما لقدوم منتجات جديده وكل يقلد الثاني معروفه او لضرورات الرحلات واستهلاك اغلبها برحلتين او 3
3- ان الكشاته اغلبهم موظفين او ميسورين وما يقومون به هواية مكلفة بل ان اغلبهم يخصصون سيارات للبر فقط شبه مجهز بمخازن للأغراض او عدة مطبخ صغيّر
4- ان اهل المزايين والمخيمات الكبيرة العامره بما لذ وطاب تكون في أماكن محددة ولا تجوب البراري ففرصة التقائها بالرعاة قليله .. وظني انهم لن يقصروا اذا لجأ اليهم احد فمطلب هؤلاء المساكين قليل جدا مقارنه مع ما تحويه مخيماتهم من الغالي والنفيس قد يكفيهم لو تبرع لهم عمال المخيمات وكافي
5- أخيرا الاحساس والتفاعل .. اهل الحلال طالما يعطون راتب وسكن يعتبرها كافيه وغالب الوقت بعيد عن الرعاة .. اما الكشّاته فهم يمرون بنفس الظروف المناخيه ويعلمون من موقع هذا الراعي كم هو بعيد عن الخدمات والمساعده وطلب الفزعه