رد: الطقس في المملكه والعالم والظواهر الجديده
عندي ملاحظات من خلال جولتي على اللي يصورون المطر والسيول والبرد ..الخ .. والله من سنه ودي اطرحها بس كل مره أقول ما جا وقتها والان الحت الفكره علي
بالنسبه للي يصورون المطر وهم على الدركسون يسوقون او راكبين جنب السواق ويصورون بجوالتهم والسياره ماشيه .. طبعا مشكورين على مجهودهم البسيط بس انك تنزلها على انها شي عظيم وانك جايب احلى فيديو وان ما مثلك بالحاره احد ..معليش اول شي ما فيه مقارنه بين واحد اختار موقع ولبق سياره ونزل واختيار زاويه التصوير وصبر لين شد المطر وبين واحد حط ايده بمخباته ورفع الفيديو وهو على سرعته ودق 10 ثواني وكمل ما كلف نفسه شوية جهد هذا غير ان الفيديو مخادع لانك مسرع ما ندري حجم الهطول ولا حجم نقط المطر ومن ورى قزازه ومشغل المساحات وبعضهم قزازته منشرخة وحاط خرابيط واجد على الطبلون واللي على الطبلون عاكس بوجهك ومشهد تعيس مشوش تندم انك ناظرت هالفيديو وتقول ليتهم رقدوا
الملاحظة الثانيه لاهلنا بالكويت اللي ينقلون مشاهد الرحمة والخير والامطار ..معقوله الكويت ما فيها جوالات او جوالتهم ام كشاف وما عندهم كاميرات
شي محزن والله انك تلقى واحد مصور مقطع من 10 ثواني او حتى دقيقه وهو جالس داخل عماره او منحشر بين سيارات ويصور باب سياره وتسمع من بعيد صوت مطر خفيف ومثبت على هالباب ويقولك شوف الامطار الغزيره العظيمه وانت حتى نقطه مويه ما شفت شي
ومع ان المطر استمر على الكويت اربع ساعات او جاهم 4 او 5 هطولات الا انك تجلس تشوف نفس الفيديو مكرر 100 مره ولن ابالغ لو قلت 200 مره وبس
وخلاص ما فيه غيره
جرب الان اكتب امطار غزيره الجهراء ..صدقني تكره حياتك ..تحس ان دولة الكويت عباره عن هجره كلها هنود معهم جوالات أبو كـلـب سعرها 80 ريال ومافيها كاميرات ( الا جوال واحد ونايم وقت الامطار)
واحد من اثنين اما انهم ما يهتمون للمطر نهائيا او انهم يقلدون بعض قص ونسخ حتى لو المقطع كذب او قديم ..يا عيب الشووم
|