رد: الــخـــريــــــــــطــــه
من اهم النصايح اللي اوجهها لاحد :
تشتكي من سهمك انه ما صعد .. ويكون السبب للأسف انك مثلا داخل بسيوله 300 الف ريال مثلا في سهم خفيف عدد أسهمه الحره ما تتعدى 30 مليون سهم بطلب شراء واحد .. وانت مستغرب ليش السهم ما يتحرك للاعلى وتجلس شهور سهمك ممل بالحركه ومن اول ما تخرج يطير نسبتين همن تنغبن ..!!
صدقني انت لوحدك السبب في النحس اللي حل بالسهم ولا احد سواك ..!! عارف ليش ؟؟
تخيل في 3 اشخاص فقط سووا هالحركه بسهم معين .. متخيل انت ان صانع السهم جمعيه خيريه توزع عليكم فلوس ؟؟
طبيعي صانع السهم هو اللي اعطاكم هالكميات .. تتخيلون يصعد وتتغدون فيه قبل يتعشى فيكم ؟؟ كلا والف كلا الا ان كان شخص مخبط ولا يعرف من الأسهم الا اسمها
طبيعي التدرج بالشراء وعلى دفعات متباعده سعريا و زمنيا هو الحل وليس هناك حل غيره اطلاقا واللي ينصحك بغير كذا يلعب عليك
لكن سهم مثل كيان او سابك مهما تضف انت نقطه في بحر أسهمه الحره
اذا الفيصل في تقسيم سيولتك هو عدد الأسهم الحرة
طيب سهم مثل الشرقيه او ايس او الوطنيه وش نسوي معه ..هذا يالله تقسم سيولتك الكبيره على 10 دفعات ويالله تسلم من رصد صانع السهم من اصطيادك والافطار بك على الريق وبدون شاهي وهو مستلقي على قفاه
|