رد: الطقس في المملكه والعالم والظواهر الجديده
انصحكم ما تجلسون في الفياض وقت المساء والليل لانها بارده حيل والأفضل زيارتها من الضحى للعصر على ابعد تقدير والنوم يكون بالنفود تبحث لك عن نقرة (حفره) بين كثبان الرمل ذرايه عن الهواء والتيارات ويكون معك خيام بعد
فيه عند السنيدي اللي يبيع معدات ولوازم البر سيخ توليع يشبك على دبة الغاز مهمته توليع الحطب حتى لو مليان ماء هذا غير السناره اللي فيها لمبه ترفعها فوق عشان تنور لك مساحه اكبر من النور ولابد تكون لمباتك نوع ليد عشان ما تستهلك البطاريه .
لمحبي المكشات جهة رفحاء وفياضها الفياض تقريبا كلها ماء .. ما عدى فيضة الشعلانيه بين رغوة واعيوج جلستها طيبه بس بالنهار
|