رد: الطقس في المملكه والعالم والظواهر الجديده
الله يعينكم ويعينا جميعا .. وصلنا لذروة الحاله البارده جدا اليوم من منتصف الليل الى الخميس سيكون الانخفاض اشد قليلا من اليوم وامس
الرياض ستلامس 3 درجات قبل الفجر
القصيم ستلامس الصفر المئوي وربما اقل في المناطق المفتوحه او الشماليه الغربيه
حائل والمدينه 2 تحت الصفر
الخرج والدمام 6 درجات
سدير درجتين
طبعا البرد هو نفسه بس اللي راح ينضاف هو سرعات الرياح العاليه وهي ما سيخفض درجات الحراره خصوصا من غرب بريده وان صاعد شمالا حتى طريف مرورا بحايل و تبوك سكاكا رفحا و عرعر القريات
الثلاثاء والأربعاء هي الاسوء من ظهر الأربعاء يبدا يخف البرد شوي والخميس يصير مقبول وهنا لينتهز الشباب الفرصه للتنزه بالبر في الويك اند لان الوضع مقبول نسبيا ..اما العوايل ما أتوقع يصلح لهم البر في هالاجواء بسبب ان البرد خارج المدينه قارس حتى ولو ان درجه الحراره مقبوله وممكن الشباب يتحملونها
وعموما اللي معود عياله على تقبل البرد من اهل القرى والمدن الصغيره ممكن يطلع بس يكون حريص ..اللبس والمشروبات الدافئه والاكل الدسم ممكن يحد من قرص البرد
|