قصيدة لواحد تعلق بسهم تهامة بسعر(250)
راحت فلوسي والله المستعان
ضربني مضارب تهامة بحيلة ونحاش>>
في سـهم راحتي في نقصان>>
أنتظر صفقت عمر بجيبي داش>>
البنوك بالقروض خلوني ورطان>>
راتبي في يدهم وديوني هواش>>
أفكر متى أكون هامور مليان>>
والتوصية ورطة والحقيقة طشاش>>
المنتديات كذبهم بيننا رنان>>
تصيد صغير لا تهنى ولا عاش>>
سهم للضغط يعلقني خسران>>
وأن لحقت السهم طاح بلاش>>
في التداول أحزاب وعميان>>
حـظـك يصيبك وإلا أنعاش>>
رجال أعمال لاعمل وحسبان>>
فيهم راعي وشريطي وفراش>>
حابل بنابل وفي الشبك قرشان>>
طيحوا صغير يستثمر بالخشاش>>
السوق عـصابات أموال جشعان>>
همهم نفسـهم والضعيف للقشاش>>
بعت بيتي وأرضي وراحتي عشان >>
أستثمر وألحين أدور لي فراش>>
المحلل يهلل لهامور كسبان>>
وخدمات العملاء يدورون الكاش>>
هلوسة الأسهم نستنا الأحسان >>
ولاب توب سـهل الأمر لغشاش>>
ضاعت الفلوس والنفوس والأمان>>
يا هامور تهامة أبني للخير أعشاش!!!!