رد: الــخـــريــــــــــطــــه
السلام عليكم .. يارب اجازه سعيده وهادئه عليكم جميعا .. شباب لدي مشكله مع الأهلي وهي خاصة ببطاقات الائتمان وما ادراك ما بطاقات الائتمان .. مشكلتي مع ماستر كارد .. الاخوان وقفوا بطاقتي قبل انتهائها بشهرين واصدروا جديده ودزوها بارامكس بدون علمي
طبعا انا بالبطاقه القديمه عرفت بالصدفه لما حجزت وجاني ايميل بان البطاقه لا يمكن السحب منها وما قصروا عيالي حجزوا بعد كذا مره وهم ما يدرون وش القصه وزادوا الطينه بله .. طبعا فور معرفتي الغيت حجز منهم وما انتبهت للثاني .. وعلى ما توصل البطاقه الجديده سويت حجز كاش من مكتب خطوط وانتهيت ..اثاري الربع يحبلون لي ..وبمجرد تفعيل البطاقه الجديده بدات الخصومات السابقه كلها تتدهر فصار عندي 3 حجوزات تذاكر لعائله كامله ..واتفجاء الى ان حجوزات الفنادق جالسه تنلغي
واحد ورى الثاني بسبب ان كل رصيد البطاقه الجديده ذهب تذاكر طيران ..والله البلشه المشكله ما انتهيت لسه باقي اجار السياره ولازم في الرصيد المبلغ مضاعف لانهم ياخذون تامين وديعه غير تامين السياره والاضافات كل هذا بعد ما تستاجر
وبدت مغثتي مع الأهلي اللي قال مالي دخل ..!! اللي حجزت عندهم قبل شهر ونص اخذوا حقوقهم
المشكله تورطت مع الخطوط السعوديه اللي معروف طرق الاسترداد عندهم ..ذل وطلبات واحتمال ملف علاقي اخضر رغم اني ملغي الحجز من شهر وشوي بس الكتروني وطبعا قالوا جاري العمل ..وما أخاف الا من كلمة جاري = سرقك ..!!
باقي موقع باسبانيا اسمه دستنيه هذولا تواصلوا معي موظفين واداره بانهم عجزوا يحصلون المبلغ وقتها وانا طنشت لانهم بلغوني ان المبلغ ما وصل ..واثرهم جالسين بمنشار حتى حق الوساطه خصموه .. وطحت بموقع اسمه برافو فلاي
برضه ناتفني بأربع تذاكر وهو خارج الحسبه بس الله يعيني ابدى اتواصل معه لانه في سويسرا ولغتهم معقده حتى مافيه خانه للشكاوي .. ياليت اللي يعرف او قد تعامل مع أوضاع مشابهه يساعد وجزاكم الله خير
|