رد: الــخـــريــــــــــطــــه
فاطمه ارجوك عيدي صياغه تجارة الاسهم من جديد واعرفي معلومات مهمه قبل ترمين فلوسك يمين وشمال
الواحد ما يشتري بناء على خبر بايت له اكثر من 5 سنوات .. اذا قريتي خبر عن أي شركه تبيعين مو تشترين هذي تعتبر الف باء تجارة اسهم سعوديه
لان الاخبار عندنا من عام 2006 الى اليوم تنشر للتصريف وتعتبر هي نهاية التصريف العالي الاسعار أي الانحدار من قمة الجبل الى قاع يخسف بنص راس مالك
ودائما الانسان يعرف متى يشتري الخشاش اذا هو مستعجل ويبي ارباح سريعه ..لان الخشاش دائما يصعد في اخر 3 او 5 شهور من الموجه الصاعده مش في اول شهر ..لانه يعمل توازن قبل السقوط وبنفس الوقت يزغلل عيون الناس لان هذي مهمته عشان اللي متملك في العوايد ما يبيع لانه يشوف اسهم خشاشيه تعطي في شهر واحد 30% فيقول في نفسه اجل انا ليش ابيع سهمي وهو توه ما اعطى تدبيله وينسى يحسب قاع السهم اللي انطلق منه لانه انخدع بالاسهم السريعه اللي تصعد بجنون ونسميها حنا فرفرة الطير الجريح قبل يموت
....... طبيعة الاسواق كالتالي .........
* عند نهاية أو قبل نهاية السقوط .. يصل اولا الخشاش الى القاع ثم يرتد قبل الاخرين وقبل المؤشر بكم يوم حتى يحقق 30% طلوع وعند هدوء السوق يهبط الخشاش بطريقه قاتله بطيئه عشان اللي فيها ما يقدر يلحق المتوسط والثقيل
*عند استقرار السوق يبدا المتوسط والثقيل في موازنه اسعاره بينما الخشاش يقف بالاسابيع ويتجمد عن الحركه ويتذبذب بشكل ضيق كي لا يتنفس المتعلق
* وثم يبدا الكر والفر حتى يصاب الناس بحيره وهم يجمعون واذا تاكدنا ان الموجه صاعده يتغافلكم العوايد ويرقى بشكل مستمر وانتم نايمين في الخشاش
* حتى تفوتكم الفرص ويبدا صانع السوق يلفت نظر الناس الى اسهم العوايد بحركتها العاليه كان تعطيك 20% في 3 ايام كل اسبوع 3 او 4 اسهم تقوم بهذا الفعل حتى ينتقل الناس الى العوايد .. ثم يعلقكم فيها على هبوط بسيط
* ويبدا يحرك الخشاش بشكل متسارع فيعرف الذهين ان الموجه قاربت على الانتهاء واننا اقتربنا من التصحيح وكلما تسابق الخشاش في الصعود القوي نعرف بديهيا ان التصحيح المنتظر عنيف وقهري بالمره وهكذا دواليك
تذكري متى تحركت الشرقيه من سعر 55 الى 138 ما اخذت اكثر من 6 شهور حركه سريعه بينما الموجه الصاعده بدات في نهاية 2012 الى نهاية 2014
واللي يبي يعرف قائد الموجه الصاعده الماضيه يرقب شارت البحري والجماعي
ههههه اللي شاف شمعة 2012/7/7 الاسبوعيه في البحري غلطان يفرط فيه وهو بسعر 16 ريال
انه رقم وزمن الثروه الحقيقيه
|