منتدي نبض السوق السعودي - عرض مشاركة واحدة

16-06-2015, 09:11 PM

اقتباس:

المشاركة الأصلية كتبت بواسطة الحربي

الله يعطيك العافية ابوفهد.. ماشاء الله لاقوة الا بالله ..يعجبني مثابرتك دون كلل ولا ملل .. اتمنى لو تعطينا دورات مركزة وبطرق مبسطة لكي نتعلم منك هذا العلم الذي لا اعرف منه الا الدعم والمقاومة ويمكن بطريقة غلط...بغيت انسى (تبوك الزراعية) علي بـــ 18.80 كيف وضعها..

اقتباس:

المشاركة الأصلية كتبت بواسطة wleed

يعلمك روتين وفيه اكاديميه فيها دروس طيبه ومبسطه وعلى شكل نقاشات
تبوك للأسف تحت 18.70 فيه شوي هبوط ويبي له صبر

شف بارك الله فيك أنا أول ما بديت بالسوق زيك وأخذت كم دوره ومع الأسف نماذج الحـــيوانات هذي اللي عندهم دهورتني خفاش فراشه الخ وطحت بالمنتديات الإقتصاديه ومنها تعرفت على أبو فهد ودلني على الأكاديميه زي ماقالك عند الأستاذ مقتفي أثر ولاقدرت أخذ دوره لإعتذار ابو عمر ..
بعده صرت طال عمرك أتابعهم في كل ما يكتبون وأرد وأسأل كل ما يشكل علي .. حتى جاء موضوع وليد أسمه ركن الأسئله وتعلمت فيه الكثير وتخلل الموضوع طبعا نقاشات في مواضيع أخرى ..
الأهم من هذا كله إذا تبي تتعلم من ابو فهد يبي لك يصير عندك جلد وطول نفس وتتابعه في كل شي يكتبه .. واللي يكتبه ولا فهمته أو صار عندك مشكله اسأله ..
أما يا أبو فهد قولك أني أعلمه .. فأنت تعلم أني لازلت أتعلم منكم ولكن أي سؤال بينسأل بيكون مر علي بحول الله ما راح أقصر .. شرط أن يكون تحت مظلتك حتى لا يكون هناك خطأ لاقدر الله ثم يبنى عليه علم ..
أنا مدين لك بكل شي لذلك شرف لي أن تجدني في كل مكان تحب أن تراني فيه ..
.................
اعذرونا اليوم وأمس وبكره بعد لأن عندي شغل خارج النطاق العمراني لذلك ما أفضى الا العصر .. لكن إن شاء الله نهاية الأسبوع نعود من جديد
مبارك عليكم الشهر وأسأل الله أن يجعلنا وإياكم من عتقائه من النار ..