المشاركة الأصلية كتبت بواسطة rooteen

التجزئه اللي ذكرتها يا أبو سعد قصدك من كلامك أن سهم سابك يتجزء لعشره أسهم خصوصا أنك حددت 10 ريال بمعنى 100 قسمة عشره
أولا أخلفك بهالتجزئه العدد كبير وهذي ما تجي السوق بهالمنطقه .. ولعلمك مكرر السوق من 17 إلى 19 مغري مقبول .. والتجزئه أساسا لا تأثر على السوق ولا على المكرر فقط تزيد عدد الأسهم ..
بمعنى عندك 100 ريال ورقه واحده صار عندك عشر ورقات بقيمة عشر ريال .. المكرر يبقى كما هو ولكن يكون مغري لصاحب الماده البسيطه مثل واحد يقول سابك بـ 100 غالي بس بـ 10 يقدر عليه ..
هي التجزئه طال عمرك بتكون إذا شفت سابك عند 150 وراح تكون على 5 وليس 10 هذا إعتقادي .. يعني بدل ما تكون بـ 150 تكون بـ 30
والكلام هذا كله سابق لأوانه ..
أما الأجنبي هذا اللي أشغلوا عباد الله فيه أنا عشان ترتاحون أقولكم أعتبروه غير موجود فهو لن يأثر ولن يسيطر ولن يضيف أي شي
سوق الأسهم السعودي يختلف كليا عن باقي الأسواق لأن الدوله أساساً لها ثوابت لا يمكن بأي حال من الأحوال أن تتغير ..
حطوا عندكم قاعده (الأجنبي يساهم لايتملك ) بمعنى يكون مساهم بجزء معين ولكن الملكيه يستحيل لأن الدوله ممنوع التملك فيها لغير السعودي والخليج ..
الأجنبي ممنوع عليه مكه والمدينه بمعنى شركات الأسهم الموجوده في مكه والمدينه ممنوع له المساهمه ..
الأجنبي لو دخل أساسا راح يستهدف البترول والمصارف وبعض الاسمنت وبعض الصناعات المتعلقه بالبترول .. غيرها لكم ..
واللي يبي يريح راسه يعتبره ماهو موجود .. لأنني على قناعه أنه لن يأخر ولن يقدم فالأموال لو أرادوا أن يرفعو السوق موجوده .. والأسهم لو أرادو أن يخسفوا بالسوق موجوده .. وكلها بيدهم هم (( فقط )) ارتاحوا