رد: الــخـــريــــــــــطــــه
اوكيه يا حبايب .. نبي زبدة الهرج ونقلل التحليل والمصطلحات .. خاصه وان الاسهم تعطيك امل وتاخذه منك بعد اسبوعين وبعد فرحة كم يوم نرجع نقلق من تذبذب الاسهم عند القيعان
حلها هو حجم التباعد بين المتوسطات .. لانه تراكمي وينحني ببطئ فتكشف فيه خطوات صانع السهم اللي تنشط ايام وتخفت ثانيه هذا غير انه يدور في حركه مفرغه من سنه كامله وهو يرويك نفس القمم ونفس القيعان ونوبات يخطفك تحت كم يوم ليزيد من خواطرك وكوابيسك ثم يرجعك في منطقة الحيره مره ثانيه لا هو ناوي يكسر ولا هو ناوي يخترق .. هو مبرد وصابر بالاشهر على اي زاويه يضربها وانت تحس ان الزمن توقف وخسارتك تزيد بسرعه وتنقص بالقطاره .. هو احساس القاع وشعورانتزاع الاسهم بتركك لوسواسك مع حركة عقارب الساعه البطيئه والقاتله وانت تبي تحسم امرك ..والهامور يدعي انك تنهار كما انهار سهمك وتفرط فيه ولو بدفعات لان المال عديل الروح .. نرجع للتباعد الايجابي الاسبوعي والشهري ولابد تعرف انه مقسم لثلاث مستويات بينهم فواصل معقدة في ادارة المحفظه اذا كانوا معك وناوي تصبر عليهم فتره معينه لا تقل عن شهرين ونص
المستوى الاول اللي تباعده جبار وهو مخترق ومختبر وجاهز للاقلاع متى ما اهتوى صانع السهم ولكن الصعود فيك فيك حتى نراجعه بعد اسبوعين او 3 وقتها يبدأ يعكس لو ناوي غدر وهو في مكانه فتكشفه بدري وتبحث عن افضل منه
المستوى الثاني اللي مخترق بس ماكو تباعد قوي يريح ملاكتك وتهدى وتتركه يصعد في هدوء بل لابد كل اسبوع تراجع وش سوى هالنمرود لا يقلب علينا فترفع الوقف معه مع قناع بالصعود المربح
المستوى الثالث هو من يكون على منصة الاقلاع بس المنصه مغبره ومعشش حولها ثعابين وفيران وعقارب عشان يكون طول الوقت مكروه ومشكوك في اقلاعه للاعلى حتى وهو يطير ان متأكد انه بيغدر فيك لان هذا حسينوه وهذي خلاقينه وممكن بسبب سوء سمعته ..مثلا خشاش .. خسران .. يحبي كالسلحفاة من طلعت الدنيا وهو اصلا متخذ مظاهر وقناع ليخفي ماهو مقدم عليه ..يعني كويس بس تدخله بشروط محدده وهي ارقام فاصله بين الحق والباطل بين السلب والكرم بين المرض والعافيه
اذا قدرت تتعامل مع المستويات الثلاث كل مجموعه لها اداره محفظه ولها طريقه في تجميع الدفعات حتى في توقع الصعود كل مجموعه تتخذ زمن محدد والاهم لا تطبيل وهو ثابت وارجاف بعد ما يعطي بسرعه وشوية اكشنة محيطه وصداع رؤوس وسجالات عشان تضل مهزوز وانت تملكه وربحان بعد بس كذا بيكون السيناريو
|