رد: الــخـــريــــــــــطــــه
طيب الهبوط القادم كجني ارباح ممكن الاحد اخر اليوم نحقق قمه
او الاثنين مع الافتتاح
كلامي للمضارب فقط وانا عارف لو اي مضارب متأكد من صعود السوق مارح يبيع لانه افضل له من وجع الراس
لكن قد تكون تحب الجلوس والفرجه طالما جني ارباح عادي ما ياخذ اكثر من جلستين او ٣
بس هدفي من ذلك انك تبيع وترجع تشتري بنفس السيوله
وهدفك الاول هو زيادة الكميات
يعني تبيع واول ما يسوي سهمك خصم ٥% ترجع له
وربما معجبك سهم اخر ونازل اكثر من سهمك الاول فتعزز فيه
ادارة المحفظه فن وذوق واخلاق
واللي عنده سهم واحد في محفظته بيتصرف بسلاسه اكثر من اللي عنده نص درزن شركات
انا اخاطب المضارب اللي متعود يبيع ويرجع يدخل والامور سهله معه لانه متعود واخاطب اللي شركاته قليله
متى الخروج المثمر ؟؟
يبدأ من ١٧ يوليو الخميس ---> الى ٢٢ يوليو الثلاثاء
على حسب تسارع سهمك لارقام ما شفتها من شهرين واكيد كل واحد عارف سهمه نازل من كم الشهر الماضي
المهم انها قمم قريبه
توقعي اننا نخترق قيعان ترامب او نقترب من قمم رمضان يعني لسه باقي لاسهمنا كأضعف الايمان وتقريبا صعود ١٠% الى ١٥%
الى ١٧ يوليو
اللي سهمه ما صعد ولا راح يصعد الاسبوعين القادمه
ممنوع يبيع بل يصبر ويتحمل الهبوط القادم (نهاية يوليو الى منتصف اغسطس)
الأسباب كالتالي : -
١) سهمك مستمر بالهبوط ولا أعطاك فرصة تتخارج باقل الخساره من عدة اشهر ..فما منه فائده البيع عند مناطق انعكاس محتمله وعندها بتندم اشد الندم لان سهمك مصنف متأخر عن حركة السوق لذلك قاعه راح يسبق قاع السوق ايا كان هذا القاع
٢) تعميق الهبوط باي سهم والمبالغة في كسر العظم حتى اشد من السوق
له دلالتان فقط :
أ- استهداف اهل التسهيلات لانه امتع للبنوك من تداول الاسهم ومكاسبها + جني عوائد الشركات بشكل سلس وبدون مخاطر وتعتبر للبنوك السعوديه اشبه بالبوت في السوق الامريكي يعني ينزل السوق يكسبون بالهبل و تسييل محافظ المهبل بدون اي تداعيات على البنك وتصبح الاحداث الجيوسياسيه مكاسب لا تقدر بثمن لقطاع البنوك ومؤسسات الاقراض بشكل عام
ب - انتزاع الاسهم من ايدي المتعلقين من قبل صناع وهومير السوق
وهذا يحتاج تعميق الهبوط واطالة زمن الهبوط حتى لو خالفوا تاسي
|