رد: الــخـــريــــــــــطــــه
طيب انت تعتبر نوعت في المحفظه يعني ادخلت عنصر جديد وهو اميانتيت .. وهذا جيد على المدى البعيد
وبرضه انت اجلت التخلص من زين وبالصدفه السهم لعلع على غير العاده وهذا امر طيب
وطبعا انت متضايق ان الشماليه تراجع بعد ما وصل فوق ١٠
وانت متضايق ان فيبكو ما اعطي اي ارتداد من شهر نوفمبر
العمليه تعادل .. عملت شيئين صح .. والقدر حرمك من شيئين
انا رايي انك ما تتابع طالما ما فيه سيوله خارجيه وتخلي كل شيء زي ماهو
وجود سيوله خارجية مدعاة للمتابعه و وضع حسابات وتفكير عميق وشيل وحط .. طالما انعدمت قفل المحفظه حتى اشعار اخر
ياخي انا مستعجب انك تثق في اني اقول لك جايتنا طفره فيها تدبيلات بعد كم شهر .. وبنفس الوقت مشغل نفسك بمتابعة السوق بشكل يومي وكأنك تبي طفره في شهرين كاقصى حد للصبر
ولو تاخرت التدبيله .. شايف انك مقصّر ولازم تسوي شيء معين عشان تبدأ طفرتك بسرعه.. لن تاخذ الا رزقك وبناءً عليه .. طالما حاسس ان في شيء غريب يحصل بالسوق سواء في مجموعه من ٢٠ او ٢٥ شركه بالفعل حققت طفره خلال سنه او سنه ونص او حتى في ٣ شهور
ولو واثق في كلامي .. ليش مصّر تشقي عمرك .. اللي يقلق اللي ما يدري وش بيصير بعد سنوات من حجز امواله وقلق اكثر من تزايد التعليقه
فكر بينك وبين نفسك هل ما حصل في (نوفمبر قبل ٤ شهور اخف من ما يحصل الان او اسوء ؟)
هل ما حصل في (مطلع اغسطس الماضي قبل ٦ شهور اخف من ما يحصل الان او اسوء ؟)
بعد ما تعيد حساباتك حتجد ان اسهمك بالفعل جالسه تصعد بالتناوب وكل واحد يدور في فلكه
الشماليه كان يمشي مع اخوياه وقائدهم اليمامه ووقفوا سوى وبيستأنفون الحركه مع قائدهم
فيبكو طالما ما اعطى في يناير ولا حتى في ديسمبر طلعة حلوة زي ٥٠% من الشركات .. فقط يتحرك في نطاق ٥ ريال من ٦ شهور معناها ممكن ينفجر ..صحيح قاعه ٤٢ وهذا الشيء ما شفناه من سنتين ونص والان شفناه .. بس ما تفرق .. سواء ارتد من ٤٢ او حتى من ٤٠ او حتى من ٣٨
فانت لن تبيع الا بربح طالما تثق في آرائي
زين ماشي كويس ويقول لك عطني فرصه شهرين بس .. طالما صبرت علي (٨ شهور بلياليها اتحرك عرضي ما بين ١١.٥٠ و ١٠) والان تم اختراقها بقاب يومي عامودي حراق يحسد عليه ملاك السهم وما بعد الهبوط الا الصعود.
يتبقى اميانتيت.. صحيح اخطأت الدخول عند ٣٤ وهو صاعد من سعر ١٠ ريال بس عندنا خاصيه جيده وهي الاستباقيه .. السهم قاعه في ديسمبر ٢٠٢٢ يعني من السباقين الاوائل في الصعود البطيء واللي ظهر بشكل واضح وملفت بعدها بسنه وحده باختراق منطقة ١٦ واقلع الى ٣٢ في فبراير ٢٠٢٤
.. وهنا توقف السهم للتصريف وصار يسير بشكل عرضي افقي من ٣٢ الى ٢٤ لمدة سنة ولا يزال ..وهذي بعض طرق التصحيح المتبعة .. بالسير عرضي ..المهم انه سبق اغلب الاسهم وحقق طفره محدوده والان جالس يسددها فلا بأس ربما يسبق الاخرين بعد اسبوعين او ٣ او حتى شهر
ريلاكس واترك الدرعى ترعى وشوف اشغالك
|