المشاركة الأصلية كتبت بواسطة wleed

نرجع بالذاكره لاسبوعين فاتت ..كانت وصايا اهل السوق والخبراء والمحللين في كل وسائل التواصل والميديا والقنوات وعبر صفحات مواقع الأسهم
وقت ما الناس كانت تصيح من خفسة الخشاش الاخيره بعد 3 او 4 شهور من الهبوط المتدرج البطيء القاتل :
http://nbdksa.com/vb/showpost.php?p=...ostcount=36798

الخبير : وش خلاك تطب بخشاش وليش ما درست وضع الشركه .. وكيف ما تشوف العلم الأصفر مدري البرتقالي
المتعلق : والله يا ابن الحلال غرونا في المواقع والغرف والمساحات
الخبير : ما عاد ينفع الندم .. ابحث عن شركات النمو ..شف هذي وش كثر عوايدها .. انقل من خشاشك المخيس لشركه محترمه ثقيله ومعروفه وصعب تعلق علم اصفر ولا بالحلم
المتعلق : يعني ابيع بخساره ؟
الخبير : لاء لا تسميها كذا .. سمها تغيير مراكز ..شركة العوايد مهما تعلقت فيها خلال شهر او شهرين بترجع لسعرها العادل ..اما خشاشك ممكن لو ما فــلـّــس يرجّع لك راس مالك بعد 5 سنوات
المتعلق : شورك وهداية الله

يتوقف الهبوط عامةً ثم ينطلق الخشاش ليعوض ثلث السقوط (خاصة اللي شكل 5 موجات هابطه ) .. فلم هندي