منتدي نبض السوق السعودي - عرض مشاركة واحدة

13-10-2021, 10:44 PM

اقتباس:

المشاركة الأصلية كتبت بواسطة abo-faris

هلا ابو بدر
مساء النور
الارتفاع رد فعل طبيعي بعد النزول
طبعاً مجموعة من الاسهم صححت ومجموعة مستمرة في الصعود
بالنسبة للمؤشر ما صحح مجرد جني ارباح طبيعي
يهمني الراجحي134.60 ما يصحح
يجني ربحه بهدوء دون كسر الوقف بالنسبة لي 125.50- بالكثير 120.20
أما باقي القياديات جيده والله أعلم
سابك اخترقت منطقة مهمة اليوم لازم تثبت فوقها وهذا الامر اتوقعه باذن الله
تجاوز 134 غداً والثبات فوقها قد يعني تغير في نمط حركة السهم بشكل ايجابي أكثر
لو ما وصلها او وصلها السهم وتراجع ما في مشكلة بشرط عدم كسر الوقف
مع ارتفاع النفط كل شركات البتروكيماوي مرشحة للاستمرار في العطاء
بالنسبة للخشاش اللي طلعت كثير وصححت ما انظر لها بصراحة طلما مسارها هابط
وأي سهم تحت متوسط 50 يوم أنا افضل اني ما انظر له
ممكن مضاربة على السريع لكن ما اتعلق فيه
ابغى اقول لك شي
لو أنا هامور سهم وطلعت بسهمي من 10 إلى 100
وبدأت اصرف مع طلوع ومع نزول اصرف
لحد ما وصل السهم 70 ريال ورشيت الباقي وطاح السهم 30%
هل ارجع ارفع السهم والا انتظر اجمع من جديد؟ والتجميع في الاسهم الخفيفة يحتاج وقت طويل
أي سهم ارتد بقوة راجع كمياته اللي كانت وقت التصحيح
هل كانت كميات كبيرة بحيث اني اضع احتمال ان القطيع باع والهامور اشترى ويبغى يطلع
اليوم العبداللطيف مقفل نسبة 35.05 لا يمكن اقول انتهى التصحيح الا يخترق 36.45 ويثبت فوقها ويبدأ يشكل قمم وقيعان صاعدة
غير كذا السهم بالنسبة لي مضاربي
وأفضل ما ادخل فيه الا مضاربة على اللحظي طالما لم يثبت لي تحوله للمسار الصاعد
لو اخترق ممكن ادخل السهم وتكون وقف لي
رغم انه ممكن مكاسب هذا النوع من الاسهم تكون خيالية
لكن المخاطرة عالية

الله يعطيك الصحة والعافية كفيت ووفيت ماشاء الله تبارك الله .
ابو فارس
لو تكرمت ابغاك تشوف لي وضع سهم بحر العرب >> اليوم فز بسرعه .. هل لازال للصعود بقية؟؟