اقتباس:
المشاركة الأصلية كتبت بواسطة كاسر الموج
تسلمون الاثنين
أنت أفضل من يحدد لنا نقاط ابو فهد
فهمك عليه كبير
ما شاء الله عليكم
|
الله يبارك فيك أخي كاسر
أبو فهد كل ما سمح وقته يشرح لنا بعض أسرار التحليل
لازم نتعلم منها
يمكن هذا اللي يخليك تشوفني أفهم على أبو فهد لأني اتابع دروسه
مثلاً:
اليوم تكلم عن الاغلاقات فوق 62 بالنسبة ل هرفي
أبو فهد يبغى اغلاق اسبوعي فوق 62
ويبغى اغلاق 5 أيام فوق 62 اللي هو سقف الأصفر
كأنها شروط تعجيزية لكن لها مبرر قوي
طبعاً أبو فهد ملك التراند
لكن أنا ضعيف فيها لأنها تحتاج وقت وجهد كبير علشان تجيب مفتاحها
أبو فهد يجيب التراند للشركة الواحدة بنصف ساعة يمكن
لكن أنا لو ابغى ارسمها تاخذ مني ساعتين واكثر وغالباً أطفش ولا أكمل
لكن راجعت التشارت لقيت 62 وحولها(+- 5%) منطقة خطيرة جداً
واقفال السهم عليها اليوم فيه مكر ودهاء من المتحكم بالسهم
ممكن تروح بالسهم بعيد فوق أو تحت
ليتك أخي كاسر تحط تشارت اسبوعي للسهم 10 سنوات وتتفرج
هذه المنطقة عندما كانت دعم للسهم ارتد منها لل 95 مكسب 50%
وارتد منها مرة أخرى لل 78 مكسب 30 %
وسقط بكسرها إلى 44
ثم سقط عند العجز عن اختراقها لل 43
ثم سقط عند العجز عن اختراقها مرة أخرى لل 38
اليومت بعت 3 أسهم بخسارة وحطيتها في هرفي والحمد لله تعوضت الخسارة وفوقها مكسب بسيط
ومحتار بكره ابيع والا اشوف نهايتها معاه