منتدي نبض السوق السعودي - عرض مشاركة واحدة

29-06-2020, 10:50 PM

اقتباس:

المشاركة الأصلية كتبت بواسطة abo-faris

الله يعوضك خير
لا تندم ولا تخاف من فوات الفرص
طالما شفت كذا محلل تثق فيهم يقولو السوق سلبي وخرجت لا تندم
لأن هذا الصح لو تجلس 6 شهور خارج السوق وترجع وقت ما يقول الخبراء تمام
بالنسبة لي شخصياً وأنا أكثر واحد يخاف يمكن
كنت انتظر السوق يكسر 7200 وأصفي المحفظة
من المهم جداً الواحد يتابع دعم سهمه بعناية مع المؤشر
والأهم فين موقع السهم
هل تضاعف السهم أو حقق مكاسب كبيرة
أم لا زال حول القاع أو حول القيمة العادلة
هذه النقطة مهمة لتحديد هل أوقف خسارتي أم أصبر
مثلاً سهم سعره 15 وقاعه 13 في عز الأزمة ما ينباع
لكن سهم سعره 30 وقاعه 18 أوقف خسارتي بدون تردد
ولازم نعرف يا أخوان بأن وقف الخسارة قاسي
بمعنى الكسر يكون بقوة بقوة بقوة
مثلاً لو وقف الخسارة 18 ما راح ينزل السهم 17.80 ويترنح عندها
في غمضة عين راح تشوف السهم ب 17
وقتها تحاول تبيع ب 17.30 إذا انت شاطر
اليوم أخذت تهامة وبعتها بخسارة 20 هللة تقريباً
السهم ما يستاهل قيمته الحالية لكن عدد الاسهم قليل وهامور نشمي
لكن حطيت له تنبيه بالنقطة اللي حددها أبو فهد لو طلع لها ابغى ادخل فيه بإذن الله
لأنه وقتها احتمال يجيب 20% مع اختراق علشان يصرف مع زيادة رأس المال
السوق والله أعلم باقي فيه نزول لكن متى؟ الله أعلم
رغم قسوة النزول لكن بعد عام أو أكثر سيتحسف الكثير على بعض الأسعار
اللي خسران كثير
إما يستثمر في شركة جيدة تأثرت بالجائحة
أو يتابع نقاط أبو فهد
والله إنها كنز
لو مثلاً وصى أبو فهد على 10 أسهم
ممكن انتقي منها 5
وأوزع سيولتي عليها
اللي يجيب 3% ابيعه وأشوف غيره
وهكذا
بإذن الله كل شهر فيها 15% على الأقل
يعني في العام أكثر من تدبيلة
لكن أهم شي يكون السوق مستقر
أعتذر على الإطالة
لكن والله العظيم أعتبركم أخواني
واللي أتمناه لنفسي اتمناه لكم
ويمكن بعضكم يعتقد إن مكاسبي كبيرة
لكن والله العظيم لا زلت خسران 25% من رأس مالي منذ بدء الجائحة
والحمد لله كانت خسارتي في رمضان 37% تقريباً
رغم إني كنت أملك حلواني ب 27 والورق ب 22.50 والجوف ب 24
لكن استعجلت وكل واحد ياخذ نصيبه

جزاك الله خير اخي الكريم