المشاركة الأصلية كتبت بواسطة wleed

اقتبس اخر مشاركتين عن السهم حتى لو الأولى قبل سنه
يعني من قراءة ارقام التوصيتين الأخيرتين بتعرف السهم اجودي ام لاء
اللي اقدر اضيف لك إياه من علوم للسهم :
* السهم الى منتصف مارس كان اجودي وعقبها رخمه (رغم انه في نص مارس كان بـ8 والان بـ10 بس السعر ليس هو كل شيء)
* السهم في قناة صاعدة توها نونو ما انفطمت بعكس القنوات الهابطه الكثيره والضخمه اللي جازره السهم جزر
* السهم عند سعر 10 جالس على حد السكين لان منطقة 10 هذي ضربها عدة مرات وكانت دعم له يرتد منه من عام 2009 الى اليوم
* ممكن نعتبر ان كل الأسعار اللي اسفل الرقم 10 سواء في 2008 او حتى اللي في 2020 عباره عن رميه كسر الظهر وحرق اخر الكروت بس ينقصنا الدليل الحاسم لان رأس المال جبان والدراهم مراهم لذلك وضعت لك الشارت الأخير وعليه معطيات ممكن تساعدنا في اتخاذ القرار
* عيب السهم انه صامت من اخر قاع حققه 8 ريال ولا فيه سيوله "دماء ومحركات السهم" ويمكن نتعكز على 9.80 الين الله يفرجها بسيوله طيبه وعقبها يتنفس السهم
اعتمد على اخر توصيتين للسهم ولعل وعسى