منتدي نبض السوق السعودي - عرض مشاركة واحدة - كلكم ربحانين ومكيشين . ؟؟ لا تستحي هات سهمك

25-11-2014, 04:30 PM

اقتباس:

المشاركة الأصلية كتبت بواسطة ذكريات سهم

في كل تأخيرة خيرة ... و قدر الرجال يمكن عنده ظروف
و زي ما ذكرت الارزاق بيد الله

تسلم حبيب قلبي .. دايم احمد زعول وسريع في ردة فعله .. ولكنه يرضى بعد ما تنجلي الغيمه ..

انت يا احمد سالتني الساعه وحده الا ربع والسوق ما كان قد نزل واجد ..ابتخيل اني عطيتك توصيه الساعه وحده وخسرت صح بتسكت لانك بتلوم نفسك انك انت اللي طلبت .. وشو السهم اللي ارتد من 12 الى 3.30 العصر .. يفترض انك دام شفت السوق بهالطريقه انك تقول زين ما رد علي والا كان تدبست

سالتني عن الاحساء وقلت لك فوق 17.05 جيد جدا انا شخصيا متوقع انك مازلت بالسهم .. وصدقني ما رجعت بعد ردي اخر مره
لا تنسى يا احمد اني موظف حكومي الساعه 2.30 اغادر الى منزلي وبحكم ان الجو زين هالايام فالناس تتمشى ومزاحمين الطريق ..لي 5 جلسات ما قد حظرت اغلاق السوق لاني أوصل واجلس مع اهلي في هالحديقه مع الأجواء الساحره
وانا عموما لا اهتم بالاغلاق قدر ما اهتم للافتتاح لانه عنوان سلوك السوق اما الاغلاق فهو نتيجه .. روق وخذ الأمور ببساطه .. دام راس مالك عندك فانت ملك

ليش يا احمد اضع باقات متنوعه ؟؟ .... عشان ما ترجع لي تشيل على الدعم وتبيع بعد يوم او أسبوع او شهر انت وقناعتك .. رغم انك مستعجل في البيع ومستعجل في الشراء وهذي محرقه للمال لو تعلم .. تدري وش الغريب بالموضوع ؟؟ انك معصب وانت ما شريت ..!! اجل لو شاري وخسران وش كان وضعك ؟؟