منتدي نبض السوق السعودي - عرض مشاركة واحدة - كلكم ربحانين ومكيشين . ؟؟ لا تستحي هات سهمك

13-10-2014, 02:44 AM

كلكم ربحانين ومكيشين . ؟؟ لا تستحي هات سهمك

تحياتي .. الحقيقه انتظر احد يسال بالاجازه او بعد الهبوط الخرونقي عن سهم او مكان دخول سهم معين او مكان تعديل لاحد شرى بالقمه .. ولكن يبدو ان رواد المنتدى ذيابه ومعطوا من الهوامير كامل الموجه وعطوهم على علباهم ماركت اثناء شهر 8 و 9 ميلادي وهو ما يثلج صدري ويجعلني ارفع القبعه لكل من كيش او حتى أوقف خسارته بدريهمات معدوده .. واعدهم اننا سنمتص كامل الموجه القادمه بحول الله ورعايته .. كما يمتصح الطفل الجائع زعزوعة القصب
يبقى بعض الاخوه لم يسعفهم الخروج مبكرا وعلى ما اسمع ان الأسواق شرق الكره الارضيه توحي بهبوط اكثر ولا بد نجامل لأننا راعين نخوه في الضراء ونومنا كالسلحفاة في السراء .. وهي عادات صانع سوقنا انه يذبح على سكين حاميه مسنونه كفانا الله واياكم شر عادات وطبائع هوامير وحيتان السوق السعودي ولابد ان تبتسم مهما كانت الضربات ..... اذا ابتسم المهزوم فقد الفائز لذة الانتصار

ياليت المتعلق يكون عنده مبلغ تعديل ويتانى لانه راح يضارب بهالمبلغ عند نقاط معينه أي انه تعديل وقتي وليس استثماري الهدف منه جمع مبلغ اكبر للتعديل في قاع السهم الحقيقي ولسه بدري على هالكلام
طلب أخير يا ليت نضع سهم واحد فقط لكل عضو ثم ننتقل للي بعده اذا حللته وهكذا وطبعا على استعداد للمزيد من الشروح عن السهم حتى لو أصبحت مكرره بحيث كل مره نضيء على زاويه بالسهم .. وارجو مساعدة المتمكن من إيضاح بعض الأفكار ولا عليه امر .. موفقين رابحين ومرجحين العقل على العاطفه دائما وابدا