رد: الــخـــريــــــــــطــــه
أخيرا يا روتين ..انت تنصح من هو كاش أي انك توجه كلامك لغير المتعلقين بان يبدلوا نظرتهم من الخشاش والمتهالكه وان يهتموا بالعوايد والنمو وان يجمعوا على فترات طويله من هالاسهم .. اظن اني فهمت كذا
للأسف ..عدد قراء موضوعي سيشارفون على الـــ 5 الاف قريباً لو استثنينا صاحب الموضوع ورواد المنتدى اللي بالطبع هم متعلقين حتى النخاع ولا اظنك تستطيع اقناعهم بالبيع بخساير فادحه تصل لـ70 % عشان يبدأون من الصفر ويتركون خلفهم كل هذا الإرث الكبير من الخساير من 2006 مرورا بأزمة الرهن العقاري عبوراً لضياع طفرة 2011 من بين أيديهم الى انهيار 2014 الى نهيار هذا الشهر
ابد انت صمّد لي 10 اشخاص كاش غير متعلقين سيولتهم طيبه خارجين من كل بلاوي السوق بدون مخوش وانا مستعد اتبنى طرحك واعطيهم اسهم تستحق التجميع بس تحتاج على قولتك صبر 3 سنوات حتى يبدؤا يروا ثمار صبرهم
لكن يجيني واحد متعلق يقول لي خلاص أبو فهد انا صفيت اسهمي القديمه ومستعد اخذ في الاسهم الجيده ومستعد اصبر 3 سنوات وفعلا يدخل ويصبر سنتين بس واسهمه الجديده لسه خسران فيها 10% ومستني طفرتهم ويناظر والا أسهمه اللي صبر عليهم 8 سنوات وباعهم بخساره 70% .. مدبلين 5 مرات وهو جالس يعدّ الخــراف بـــ بجامة ورديه ومخدة مـــوف .. صدقني ان ينجلط وتصير حياته من مستشفى لمستشفى واخرتها قطنه ولحد .. معاذ الله والشر بره وبعيد
|