المشاركة الأصلية كتبت بواسطة wleed

اعرف ان سهمك جلست امس ادور عليه وابحث عنه عجزت القاه
ادور باسم وابل
ادور باسم سويكورب
اخر شي عرفت انه يبدأ بكلمة صندوق
المشكله اني دايخ من قبل تسال فاطمه واللي مصبرني متابعة الامطار وتحديث الحاله للخميس
وعقب كل سؤال اقفل الشارتات واضف العده همن القى سؤال جديد واقوم افتح الكشك وهاتك يا تحليل ودقّر لي اسم سهمك ربع ساعه

وابل ريت ماني شايف سهم قدامي .. اشوف شي منتهي مثل فالكم مو زي الريتات اللي ترقى وتهبط بسيوله نازل بأول شهر أغسطس والناس ما عرفته الا يوم 3 ديسمبر والدليل انه ميت ومتوفي دماغياً اجل تداول شهر كامل ما يوصل ربع مليون سهم وهو عدد أسهمه فوق 100 مليون

طيب السهم من قاعه لقمته طلع ريالين بالتمام والكمال من 8.41 ==> 10.40
لكن السيوله ظهرت بالقمه بس وبشكل نذل
من 10 الى 10.40 ==> 400 الف سهم وهي تعادل تداول شهرين كامله تخيّل
من 10.20 الى 9.87 ==> 300 الف سهم تقريبا تعادل سيولة 40 يوم
من 9.60 الى 9.21 ==> 200 الف سهم تعادل تقريبا سيولة 25 يوم
اخر شي من 9.60 الى 8.92 ==> 300 الف سهم ما يعادل شهر كامل
باختصار من 10.40 الى 8.92 صرف كميه محترمه تعادل تداول 9 شهور كامله بسيولتها و بـبابا غنوجها وسلطاتها في كم ؟
في 3 أيام تداول
الدرس المستفاد من هالسهم انه دق ناقوس الخطر بالسوق بكامل أسهمه لانه نام واختار توقيت قصير جداً ليضرب مناطق صارت صعبه جداً الان

باقي شي واحد أخير عشان اعطي رأي فني بالسهم :
اني اشوف شمعة واحده تقصم ظهر الشركه للابد او تفجر السهم للاعلى
الى الان الشموع عقيمه عشوائيه تافهه اقل ما يقال فيها ان من يدير السهم احمق وبرياله
لكن اخر الطب الكي دام الشموع اليوميه واللحظيه سيئه وتافهه ولا تعني شيئاً
انا انتظر اغلاق الخميس عشان يصير عندي شمعه هي وتد السهم لسنوات قادمه وليس لاشهر
أي ملقوف ينسحب من لسانه ويفجر سيوله في وقت قياسي قصير بعد وفات لاشهر او لسنوات هو بالتأكيد وضع رقبته في ايدي المحللين الحقيقيين وجعل تحركه مكشوف لعدة سنوات وربما للابد

هكذا اصطدت جبل عمر بسعر 24 عام 2012
هكذا اصطدت سهم الأبحاث بسعر 17.50 عام 2011