منتدي نبض السوق السعودي - عرض مشاركة واحدة

13-02-2014, 08:37 AM

اقتباس:

المشاركة الأصلية كتبت بواسطة نبضي

اخي وليد ممكن تشوف لي امانه وعنايه

المعلومه الاخير تقول امانه دخل فيه محافظ كبيره لصاحب سمو قبل اسبوع

ابي رايك السهمين خسران فيها هل ابدلها او حط واحد مكان الاخر

شاكر ومقدر مساعدتك لاخوانك

هذي مشكلتنا في حديث المجالس اللي ندفع ثمنه من مالنا والنتيجه لا نعرفها الا بعد خراب مالطه ..اخي هل تعلم ما معنى ان يعطي المضارب معلومه حقيقيه لاخوه ولد امه وابوه اللي تربى وتقاسم معه كل كسرة خبز .. انا اقول لك معناها كانك تقوم يوم من الايام الصبح وتروح البنك وتسحب نص حلالك وتعبيه في شنطه وتروح لاخوك انت وتطق الباب وتقول له خذ هذي لك ما ابيها وتركب سيارتك وتروح لاشغالك ..هاه تقدر تسويها نص ما تملك من حلال
شكلك ما تدري ان فيه اخوان تذابحوا على الف ريال
المشكله مو في المعلومه المضروبه المشكله في ان هذي المعلومه لو حقيقيه يخسر الامير وتربح انت ومن تسربت لهم المعلومه لان انتم اللي بتصرفون عليه بمكسب عالي وهو اللي حيخسر نقول 400 مليون بعد زمن معين وهو زمن الطلعه
طيب هل في عاقل بيصدق اني اروح احرق فلوس كثيره لاء ولازم تنتظر شهرين عشان نسمح لك تحرقها يعني انت لست مخير في اتلاف مالك انتظر لين نكسب اول وناخذ نصها بعدين دع السهم يسقط بالامير لحاله لان امة لا اله الا الله دخلت وخرجت وهو اللي مسرب المعلومه لانه يبي يكسبكم

اقولها لك بصدق ..وانت عقلك براسك وتعرف مصلحتك لا يوجد معلومات تتسرب لاي احد الا بقصد وبعد ما يصعد السهم لسعر معين لان الهامور يحتاج اموال الناس لتكملة الصعود بس يجلس يحيك الخطط تلوا الخطط ان الناس ما تخرج الا بسعر معين يكون هو صرف قبل السعر هذا لا ويتابع مع اذنابه كل يوم ثقة الناس هل ارتخت لان الموضوع مغامره منه ممكن الناس تكتفي بما تحقق او يجي خبر سلبي عن السوق يضرب كل خططه

دايم اقول هالكلام ولا اجد اذان صاغيه كأن الناس مبسوطه حتى بعد ما تفهم الحقيقه ويحاولون يتاقلمون مع الخديعه زي جحا يكذب ولما تنتشر الكذبه وتصبح حديث المجالس يقول في نفسه يمكن هم صح وانا خطا ..انت اللي اخترعت السالفه ..اللهم نورنا وكملنا بعقولنا لان الفهم نعمه كبيره لو تعلمون

امانه : اول شي حقق 20 تدبيله (القاع 13.25) ليش يدبل ثانيه مجرد سؤال .. فنيا مقاومات لو تعداها ممكن ينطلق لانها مثل الصخور :
31.90
32
32.20
44.90
توقعي لو فيه فزه ياصل 37 وعقبها يا يكمل يا يهبط بس ماذا تفعل لو انهار السوق هل تتوقع يكمل لحاله

عنايه : ادنى سعر تم تسجيله تاريخيا 33 والسهم عمره قصير ولو قسنا حجم الاسهم نلقاه كبير مقارنه بمثيلاته من خشاش التامين والاصعب ان الاسهم اللي بحجمه نزلت ل13 و12 و9 و 8 ريال فانتبه من غدرة الهامور .. مطبات صعبه اذا اخترقت بشكل حقيقي ربما يعيد طفرته :

34.5
35.10
38.40
39.20
39.90
47
السهم اكمل نموذج ولكن ربما على المدى البعيد يكسر النموذج للتخويف ويدخل موجة الدليل وهي تسجيل هبوط وهمي الى سعر 28.75
المهم انه يرتد من هذا الرقم ضروري لانه لو طول تحته يدخل انهيار بالمعنى التحليلي وعندها لا انصح بالدخول فيه الا لصاحب النفس الطويل لان بيسجل قيعان سحيقه ويضل عندها سنوات قبل ان تبدا طفرته من جديد