المشاركة الأصلية كتبت بواسطة wleed

ضيق التذبذب وجعله بطيء وممل وحصره في نص ريال بين كل قمه وقاع على مدى زمني طويل سببه .. ان السهم اسفل 11 وبيننا وبينها ريالين ونص وهذي واسخ مراحل السهم وحط ببالك انه ممكن يخربها للتخويف ويكسر 8 ويلعب فوق 7.50 عشان دائما عدوك يكيد لك بعد تطويل مدة التجميع يحرق اخر كروته بالكسر الوهمي ولكن ما نعرف ان السهم قريبا يفرجها على المتعلقين إلا لما يصير تداولاته فوق 11 حتى لو جلس عندها زمن يصعدها وينزل منها مسيره يوم يصعدها ولا عاد ينزل عندها سيبدا لفت النظر والتطبيل وحنا متابعين معكم
انا كل فتره لا شفت صفقات ملفته وضعت له كم رقم يفز بس ما يكمل لانه طماع من يشوف ناس تشري يهون ويكتفي بما حقق .. وصايرين الناس والصانع مثل القطو والفار
دائما نصيحتي لواحد مثلا متعلق ب30
خل التعليقه لا تجيها ولكن مناطق 7 و 8 و 9 العب معه لا شفت توصيه مني وخلك صارم في وقف الخساره وخلك صارم بالشراء عند رقم محدد انت قريته لو ما يمر منه تطنش الشراء ..الشغله مضاربه وكل ربح يجيك اخصمه من راس مالك المعلق لين تقل الخساره وانت عندك اسهم نفس كميتها وفلوس نفس كميتها

اخترق مثلا رقم مهم للغايه ماعاد تبيع اسهم المضاربه وارفقها بالاسهم القديمه وانتظر رقم ابعد صعب ابيع منه كامل كميتك الجديده وجزء قليل من كمياتك القديمه


هذي اسمها إدارة محفظه على عدة أنماط .. خلطه مضاربه تحولت الى استثمار شبه موجي .. يعني كل 14 او 17% ابيع وارجع انتظر جني أرباح
طيّب عيّا يكمل صعود اذاً انت لا زلت مضارب سريع تشتري وعند اهداف قصيره تبيع .. وفلوسك زي ما هي واسهمك القديمه زي ما هي