منتدي نبض السوق السعودي - عرض مشاركة واحدة - صبرت صبرن شفت في الغليبة الخوة مثل الأمانة

19-09-2013, 09:09 AM

صبرت صبرن شفت فيه الغليبه @@ مثل الذي ياطى على الشوك حافي
وفكرت في ربعن قريب ن نسوني @@ وذكرتهم بم مسجلات القصايد
عساالله يبيع اللي يبيع ابن عمه @@ وينساه لا شبت عليه الوقايد
وعيب على الرجال ياكل ذراعه @@ مافيه علم الا بدرس وشهايد
واللي يبي درب الجملات يتعب @@ ودرب الجميل اليوم عسرن وكايد
وقت الرخاء ياخوي مافيه خوه @@ لاصار منت أخوي وقت الشدايد
فالايام واجد والليالي طويله @@ وباقي من ايام السعاده شرايد
لا صار وقت الحر ماذقت نفعك @@ مابغاك لهبت نسيم البرايد
بعت المره والاش في درع جنبك @@ وردوك مني لبسات القلايد
فن كان مابه عار والاحميه @@ فارقد وراسك راغبه للوسايد
والله مزهم واحدن صد مني @@ تراني غني من فزعة كبار الفرايد
تراء الاش لمنك زهمته تعذر @@ وضوء حطبها راك تصبح رمايد
واترك ضعيف الروابع لا تحطه عضيدك @@ وبدل دياره بالديار البعايد
اصبر ولوا جارت عليك الظليمه @@ لا تشتكي توء العيون الزهايد
كم واحد بالسوق يذرع لسانه @@ وكسره بعظم الساق فوقه عضايد
لوا جبر كسوره وغطاء عليها @@ نكشف غطاء عظم كسوره بدايد
ازرع بدار العز تجني ثمرها @@ ويزيد ميزانك على كل زايد
زرع معروفه بالصبخ والبطاحي @@ مايكسب الزراع عند الحصايد
ثوب العراء يعريك ترك لباسه @@ ماينفع الترقيع والثوب بايد
ماينفعك برق بعيد ن تخيله @@ وشوف المطر مسقاء كبودن قدايد
ويابن ادم دنياك لاتفتخر بها @@ ماينفعك لو كان عندك رصايد
ماينفعك من مالك الا جميلك @@ وماقدمت يمناك جالك سنايد
تراء الطيب الا مات كلن درابه @@ وقالوا فقيد من كبار الفقايد
والا الردي موته يساوي حياته @@ حت إيش لوا تطواء عليه اللحايد
عما جراء هيضت بعض المثايل @@ علمن يفيد وعلمن ماهوب فايد
وصلاة ربي عد منشئ مخيله @@ مخيلة فيها بروق ورعايد