رد: الــخـــريــــــــــطــــه
نصائح خارج التحليل الفني
نحن نوعان نوع ما يبي يضارب وانما يبي يعتبره مثل الزراعه يضع البذره وينتظر الثمره حتى لو خلال أسابيع او اشهر
انصح هذا الفريق بعدم ملاحقة القاع والشراء يكون بعد دراسة عدة جوانب للسهم حتى لو فاته القاع بـ20% لان المهم ما يفقد راسه ماله خصوصا وانه ما رح يتابع ولا راح يبيع بل صبور
اما المضارب اليومي فهذا يتامل حجم كل هبوط بشكل كامل ويعرف انه لابد من تنفيس نستفيد منه وهو ما نصحت به امس انك بتبيع سهمك مع اعلى صعود خلال موجه قصيره
عموما تجاره الأسهم ليست وظيفه تفعلها بشكل يومي وتنتظر دخل ثابت مهما اجتهدت ..بل هي تجاره مثل أي تجاره بالعالم يحصل ان تتعب وما تلقى دخل خلال 3 شهور وممكن تكسب بعدها حق أسبوعين يعادل شهر ..أي انها متذبذبه ..وليست على حال لذلك يهمني شعورك اثناء التداول لابد تكون مثل التاجر لا تلتفت الا إعادة الكره بعد التعلم من أخطاء الماضي
المتعلق نوعين
صابر ولا يحرك ساكنا ويتمنى الوصول للقاع عشان يعدل مره وحده ويرتاح ..هنا لابد يشتغل بجهد اكبر وتعب اكثر لانه لابد يكون ذو فطنه عاليه وبعد نظر عشان يعلم ان الحركه السريعه لا تنبئ عن قرب القاع وان القاع هو لا مكسب ولا خساره بل عذاب وانتظار وتوقف الزمن
متعلق ذكي يتفاعل حسب حالة السوق تارك تعليقته البعيده جدا .. والمبالغ اللي يدخلها بالقاع يبيعها فوق بطريقه حسابيه رائعه كل ما زادت نسبة الربح أضاف لها نسبه صغيره من تعليقته القديمه بالبيع وينظر لوقف الخساره باهتمام واجلال لان كل ربح يتقلص هو نهاية تعب يوم بالفاضي والاهم التفرقه بين الدعوم والمقاومات وانا احرص لاني اضع الوان وتسميات لها عشان تعرف تتصرف حسب خطورة التراجع او الاختراق ..أتمنى للجميع الرزق الوفير
|