المشاركة الأصلية كتبت بواسطة wleed

بما ان الاغلاق جيد وراح يخلينا نلعب باسهم متنوعه خلونا نرفه عن انفسنا شوي ..عندي لكم نكته تختص بعالم الأطفال المتميزين بالحماقة وكلنا نعرف ان الحماقة ليس لها دواء

يجي بعضهم عفانا الله واياكم ويعرف انك موصي في منتدى نبض السوق على سهم وضرب الهدف وعليه بوسه وان مكان الدخول رائع وزمن الدخول أروع ليش لأنك معطيه فرصه يقرا ويشاور ويستخير ويشتري لأنه شاف زمن وتاريخ وميعاد التوصية ... فيقول لك ليش التوصية ماهي عندنا وفي منتدى ثاني وليش عدد قراء التوصية قليلين ؟؟ ثم يكمل ويجاوب : لان المنتدى غير مشهور ..!!!!
وانا أقول الإجابة - وش لك دخل يا لوح .. انت تبي تربح والا تبي تستعبط ..الحين قدامك توصيه وتاريخها قديم وبإمكان تربّح محفظتك 20% او 15% ان شاء الله لاقيها مكتوبه في ورقه مهريه ومرميه بالشارع او لاقيها في حوش عزبة هنود في البطحاء او في بخشة في شارع الوزير .. طالما الموصي ناجح والتوصية ملعلعه وانت جعل يديك للكسر تدل هذا المنتدى وعندك نت وملقوف كل شوي تفتح هالمنتدى المهجور وتقرأ كل ما اكتب وتحرث الموضوع رايح جاي وش منعك ما تشتري وتربح ..ولا تشكرني لان الجزاء ربك يعرف من يستحقه ومنّتك بالتراب .. بس هل انت مقتنع فعلاً باللي انت كاتبه انه عذر يخليني مثلا بعد ما بعت وربحت .. باحزن واخذ مربحي وارميه بالزباله عشان كلمة مهجور ؟ وعشان ما في جيش من القراء يأخذ التوصيه ؟ انت عقلك كذا فعلا والا تروح وتجي منك بعض الساعات ؟ انت عايش ومرتاح ان اللي تقوله فعلاً كلام عقال .. يعني انت ما تأخذ من تـويتر وانستغرام وتليغرام والوتس توصيات ؟؟ .. ليش ما تلتزم بما تقول وتاخذ من منتداك اللي مسوي مخلص له يا احمق والا فعلا مصدق ان فيه اللي ممكن يقتنع بكلامك ..فعلا نحن امام عالم سمسم

انا يشرفني ويسعد قلبي انك ما خدت التوصيه وانهم علقوك برموشك وفرحان ان الله غم عيونك عن توصياتي كلها وعساك على الوزنيه كل عمرك لان السفه يدل راعيه .. فعلا اتفكر فيها واجدها اشد حالات الحماقه المزمنه كان الله بعونك