رد: **&& ديوانية اعضاء منتدى نبض السوق حياااكم &&**
يوم الربوع العصر دقيت له سلف
عقب انتهى وقت العمل والوظيفه
الموتر اللي بيني وبينه الـــــولف
يدني لي ديار(ن) ولو هي مسيفه
وحطيت جو الرياض عن وجهتي خلف
والجيب حسه صايرن له وحيفه
وش عاد لو اني على موتري صلف
مشتاق لفياض ٍ سواة القطيفه
عقب ارجعت بالخير ما داسه الظلف
يالله عساها كل عام مريفه
وامسيت به مرتاح لو دربها كلف
اخايل ابروق ٍ يشوقك رفيفه
والصبح غير الطير ما لك على حلف
ما شفت ومثلي طايب اليوم كيفه
يا زين صوت الطير مع تسة البلف
في فيضةٍ سدره اسواة الصريفة
لكن ذِكر السبت يطعني بالشلف
انا اشهد ان حال الموظف كليفه
ماني من الاحساس معدم ولا جلف
الحال من ربط الوظيفة كسيفه
آك أهو
|