منتدي نبض السوق السعودي - مشهد سقوط طائرة بوينج في مطار بقرام في أفغانستان

اقتباس:

المشاركة الأصلية كتبت بواسطة mustathmer (المشاركة 89654)

شايف الحريقه

ههههههههههههههه الله يستر على المسلمين

ياخي هذا المنظر يخليني اكره الطيران عشر سنين

http://www.youtube.com/watch?v=8FkY4CmyQ48

ودعت ناجح من مطار القريات
يوم اركبونا الطائرة واشلعتنا

لفت ودارت وامرجت بين لحظات
لولا المحازم الكراسي ضربتنا

طاروا بنا حمر العلابي خواجات
صغر العيون وجيههم هولتنا

تكفى تشهد يافهد واقرا آيات
الموت جانا والظروف اجبرتنا

جانا المضيف وقال وش فيه خدمات
قلت نزلونا بطونا موجعتنا

من قبل أشوف الغيم من دون السموات
واليوم أشوفه يافهد من تحتنا

عزالله إني ماحسبت الحسابات
والا ترى سيارتي موصلتنا

يازين ممشى الأرض لو هي مسافات
لنا بشعيب مجهزين قهوتنا

وش جابني للطائرة والمطارات
والله ماعود ركوبها لو نزلتنا

لو تنفجر قامت تذيع المحطات
رح عاد دور قشنا مع جثثنا
*******
***********رد العنزي عليه************
يامودع ناجح بمطار القريات ** قصتك لو تضحك ترا حيرتنا
ياليت ماقالو ترانا شرارات ** ليت الخوي قال لخويه سكتنا
هذي قبيله تنعرف بالشجاعات ** كلن تقول من القبايل غزتنا
بالطايرة لو مت من عرض من مات ** ولاقلت ان الطايرة خوفتنا
بالطايرة خايف وبالقلب دقات ** قلت العيون اللي تبينا بكتنا
لاتفتخر بالخوف وتسجل ابيات ** ولو انت ماسجلتها ماشمتنا
الناس يابن الناس ترقا درجات ** هذي تجارب وقتنا علمتنا
شف الشجاع اللي رقا بالطويلات ** فوق القمر يحمل علم مملكتنا
سلطان ابن سلمان زبن الونيات ** اللي فعوله بالدول شرفتنا
هذا كلام الوايلي بالاشارات ** يوم الشمالي قصته زعلتنا
والختم صلو بسم رب السموات ** على الرسول المصطفى خاتمتنا
*******
************رد الشراري**********
هذا حديد مايعرف الشجاعات ** ولاهو آدمي وتخوفه مرجلتنا
عنتر بلش بالثور صابه مخافات ** .... ....من بلشته وثمتنا
يالوايلي لاتشك مابنا مشكات ** الاوادم كلها عارفتنا
حنا نحب الضحك بالشعر وابيات ** لو قلت خوف الناس ماصدقتنا
كل ماسمعته بالقصيده دعايات ** لايصيبك شك الطايره خوفتنا
المرجله ماهنا عليها شهادات ** ان ماشريناها تراها شرتنا
لو ندعي بالخوف مزح وخرافات ** والحرب خطه للجيوش اجهلتنا