منتدي نبض السوق السعودي

منتدي نبض السوق السعودي (http://www.nbdksa.com/vb/index.php)
-   استراحة نبــض الأعضاء (http://www.nbdksa.com/vb/forumdisplay.php?f=13)
-   -   قالوا حريم وبالعصي متحاذفين (http://www.nbdksa.com/vb/showthread.php?t=2976)

وارد عراوي 06-03-2013 07:40 PM

قالوا حريم وبالعصي متحاذفين
 

السلام عليكم ورحمة الله وبركاته

الشاعر علي القحطاني يصور لنا هوشة حريم

امس الخميس من صباح الله خير
زوجة رجل تاجر مع زوجة فقير
تهاوشن وصار شين ما يصير
يالله دخيلك من مشاكل ذا الحريم
سمعت لجتهم وانا وسط الفراش
ورحنا علي الهوشات نتفرج بلاش
وان كان شفت ان راح يجمعنا الهواش
لا والله ابعد وش ابي في سين جيم
طالعت لان هذا الخلايق واقفين
سالتهم يا ذا العرب وش شايفين
قالوا حريمٍ وبالعصي متحاذفين
قلت اهلك النسوان يالله يا كريم
ناظرت في ذيك الوجيه الكالحه
اللاع بيهم والبراقع طايحه
كان المهاوش صار قبل البارحه
كلٍ عرف ماصار ما فيهم غشيم
جت زوجة التاجر وقالت يا فلان
هذي مره ما شغلها الا ليلي دان
صوت المسجل عندها طول الزمان
وهي تغني صوتها يطلع مدييم
واحنا فلا يوجد مسجل عندنا
ما هو بعيبن والله انه ودنا
لكن مع الاموال نبذل جهدنا
نحسب تجارتنا علي الشكل السليم
لاشك لجاء الليل حطت لي حجاب
والا خلف والا سميره او عتاب
نسمع مسجلهم ونغلط في الحساب
واحنا قرايتنا علي الشكل القديم
من عقبها جت زوجة الشخص الفقير
قالت تفضل وادخل البيت الصغير
فنجال شاهي وان تبي واحد عصير
تري الكلام يطول وافهم يا فهيم
يومن دخلت البيت انا شفت العجب
شفت الحياة اللي لها قلبي رغب
هلت بنا وباشرتنا في ادب
ياليتني في بيتهم دايم مقيم
قالت ترانا عايشين احلا حيات
وش عاد لو نسمع جميع الاغنيات
نطرب وتالي العمر عز الله ممات
وهمنا اعطيناه ذا الجار اللئيم
فكرت اروح لمنزل الشخص الغني
واجهت عند الباب شايب منحني
مسك ثوبي يالله انه هدني
يقول رايح وين يا ابليس الرجيم
قلت انت شايب قال ياعلك تشيب
قلت انت طيب قال يا علك ما تطيب
قلت اسقني ماء قال مطلوبك صعيب
عساه ما يفرح بجنات النعيم
قلت يا ذا العود ظنك ما تشوف
قال انعمي لشفت قدامي ضيوف
قلت انا املك ملاين والوف
جيت اشتري منكم بضايع يا حليم
قال انت ما ودي تطول عندنا
قلت العفو ربع ساعه حدنا
ابشرك ماني بقايل غدنا
انا سعودي و مسكني وسط القصيم
اقبل علي مجلس اجدارنه لينه
يسال عن المفتاح يا من عينه
قالوا له المجلس مسكر من سنه
العام يومن زارنا ضيفن كريم
البيت من داخل مثل حوش الغنم
وراعي البيت الغني مثل الصنم
دشداشته متشققه وحافي قدم
عساه دايم منهم في الدنيا عديم

عراويكم

صوت الجبل 06-03-2013 08:04 PM

رد: قالوا حريم وبالعصي متحاذفين
 
ههههههههه صح لسان الناقل والقائل وهذه هوشة حريم كل شيء فيها مباااح

حلوووووووووه بسسسسس لو نقلها فيتيو بالألوان مباشر !!

شكراً لك

يالله سترك 06-03-2013 09:27 PM

رد: قالوا حريم وبالعصي متحاذفين
 
قصيده طييييييبه بوصفها ونقلها

فالك الطيب ياوارد عراواي

mustathmer 07-03-2013 12:01 AM

رد: قالوا حريم وبالعصي متحاذفين
 
هههههههههههه

زمان الفن

مشكور عراويكم

زمان الصمت 07-03-2013 12:02 AM

رد: قالوا حريم وبالعصي متحاذفين
 
مشكور يلغالي,,,
جميله جداً

شيخ السوق 07-03-2013 03:28 AM

رد: قالوا حريم وبالعصي متحاذفين
 
مشكور ههههههههههههههه

ام جواهر 07-03-2013 11:27 PM

رد: قالوا حريم وبالعصي متحاذفين
 
موضوع رايع مشكووور اخي ابو خالد

مريم 13-03-2013 10:48 PM

رد: قالوا حريم وبالعصي متحاذفين
 
شوكرررن

عبدالمجيد 14-03-2013 12:20 AM

رد: قالوا حريم وبالعصي متحاذفين
 
مشكوووووووووووووووور

عزيز 14-03-2013 04:22 PM

رد: قالوا حريم وبالعصي متحاذفين
 
يعطيك العافبه


الساعة الآن 04:01 AM

Powered by vBulletin® Version 3.8.7
Copyright ©2000 - 2025, vBulletin Solutions, Inc.
HêĽм √ 3.1 BY: ! ωαнαм ! © 2010
يمكنكم زيارة المنتدى الجديد نبض السوق على الرابط التالي http://www.nbdksa.com/vb

Security team