|
ابي استشيركم يالربع
السلام عليكم ورحمة الله وبركاته
ورثنا انا وخواني عمارة دور واحد وقمت انا بعد موافقة اخواني شديت عليها شقتين من حر مالي كلفتني طبعا بدون قواعد بحكم ان العمارة مبنية مسبقا حول 300 الف مع التشطيب سكنت انا في وحدة واجرت الثانية على اخوي في الدور الثالث . الشقة مساحتها 150 متر ولي اخو مستاجر فيها من 4 سنوات ويدفع لي كل شهر 1100 ريال واليوم عرض علية انه يرغب في شراء الشقة كتملك لها واعطاني 140 الف ريال 100 الف كاش و40 الف بعد 5 سنوات انتم ايش رايكم ايا اخوان ارجو منكم ان تجعلون البيع والشراء بعيد عن الاخوة والله الهادي الى سوا السبيل |
رد: ابي استشيركم يالربع
انت بنيت فيما لاتملك وقد تحدث لك مشاكل مستقبلا ان لم يكن مع اخوانك فمع الورثه المستقبليين من اابناء الاخوة
أما بيعك مع اخيك فلابأس به أسترديت راس مالك وهو أشترى على بينه من وضع العقار .. والله يوفقكم ويؤلف بين قلوبكم . ويكتب لكم الخير |
رد: ابي استشيركم يالربع
ان رأيت بأن البيع من مصلحتك ومصلحة اخوك فاعتقد ان السعر مناسب لو حسبنا التكلفة والمردود خلال اربع سنوات
ولكن لا تنسى بأن الملك للجميع وقد تدخل في منازعات مستقبلية مع ابناء الأخوة فيجب عليك توثيق كل شيء عن طريق المحكمة لك وعليك. وأسأل الله لكم السداد |
رد: ابي استشيركم يالربع
نصيحه خليها اخوه واتمم البيع بسماحه خصوصا الواضح ان اخوك يقدر معنى الإخوة ولا كان استقعدلك من البدايه ولا خلاك تبني وبعد إتمام البيع قل لا اخوك صدقني لولا الظروف وإلا عطيتك هي هديه من قلب صافي ترى الكلمة الحلوه لها مفعول وان ربي رزقك سامحه ولا خفضله النصف في الدفعه الاخيرة وبكذا تسجل موقف في صالحك وتحافظ على علاقتك باخوك
ربي يوفقك |
رد: ابي استشيركم يالربع
اقتباس:
|
رد: ابي استشيركم يالربع
اقتباس:
اولا البيت ليس ملكك بل لك انت واخوتك طيب اللي له اربع سنوات يدفع الايجار لمن ؟؟ لك وانت لا تملك البيت ام لمن ؟؟ هذا الايجار من حق الورثه الشقتبن اللي بنيتهم ليست ملكك حتى تبيعها لاخوك حتى الشقه اللي انت ساكنها يجب ان تدفع ايجارها للورثه وانت منهم او انك تستثمر الايجارات حتى تاخذ اللي دفعته في التشييد الطريقه الوحيده الان بعد هاللخبطه انكم تثمنون البيت مثلا طلع سعره 800 الف تخصم 300 الف اللي دفعتها يبقى 500 الف تخصم منها حصتك في الورث والباقي تدفعه لاخوتك ويصير البيت ملكك وتقدر تبيع الشقه لاي واحد حسب سعر السوق وتنقل ملكيتها له |
| الساعة الآن 01:23 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
HêĽм √ 3.1 BY: ! ωαнαм ! © 2010
يمكنكم زيارة المنتدى الجديد نبض السوق على الرابط التالي http://www.nbdksa.com/vb