ابحث عن التدبيلة عندكم
 

السلام عليكم

اول مشاركة لي معكم
اسمحولي اعطيكم نبذة صغيرة عني

انا اعيش فترة عصيبة جداً

وسجلت في الف منتدى ولا احد عطاني الاشراف مع اني سويت كل الحركات

سويت اني فاهم وكشفوني

وسويت اني من طبقة عاليه ولاطولت عرفو على طول

وسويت اني صاحب معلومة في الاسهم

وطلبو مني سهم عليه معلومة قلت ياولد عطهم سهم شهم واعطيتهم سابك وعلى ماقالو السوق سابك بـ 130 وعينك ماتشوف الا النور ماوقف الا 84

طبعا تم التدوال قصدي تم الطرد على طول من منتداهم

وسويت نفسي محلل اسرق تحليل واحطه ومشى حالي معهم بس نشب في حلقي واحد كل شوي ناط لي يبغى دعوم ومقومات

ويقول كلام مادري وشو

مره قالي يا --------- هل تشكلت الجزيرة العلوية

انا فاضي لك يبغى يودينا في داهية

انا اصلاً مقاطع الجزيرة وكل قنواتها

اكتشف مشرف المنتدى اني اقتبس التحليل ( ح ر ا م ي صغير ) وتم الحجب

وسويت نفسي هامور اسهم وان عندي قروبات معي واقدر ارفع اي سهم

وكان ايام المواشي المكيرش وقلت لهم بكرة بندخل المواشي وارتفع السهم 4% ياني فرحت فرح حسيت اني قوي

وسالوني بتكمل في المواشي قلت نعم وقفت المواشي ووقفت معها

وسويت نفسي عضو عادي برضو كشفوني .


والان وصلت لكم وانا مامعي شي
الا مبلغ على قدي وابغى ادبلة عندكم

رد: ابحث عن التدبيلة عندكم
 

يا هلا ومرحبا حياك الله

وصلت لمنتداك ... مشاركتك الاولى حلوة والقادم احلى ان شاء الله .

المهم خل نيتك صافية ف المنتدى والا برا والله بيرزقك.

اسعدني حضورك وتشريفك

رد: ابحث عن التدبيلة عندكم
 

حياك الله
نورتنا
مشاركة حلوة
تابع أبو فهد
وليد له موضوع مثبت اسمه الخريطة
خذ معاه
مره 5%
ومره 7%
وعلى هالحال باذن الله تدبل
لكن ما هو بسهم واحد

رد: ابحث عن التدبيلة عندكم
 

حياك الله واسعد الله سنك .. كسر الملل مطلوب واضافة البهجه لاي موقع يجتمع فيه الناس له اجر عند الله .. فالله لا يحرمك الاجر .. وجُدت المنتديات لكي يعبر كل شخص عن ما يجول في قريحته حتى لو كانت امنيات وطلب المشوره والنصح هو افضل ما وجدت من اجله على الاطلاق
بحكم انك من أيام المكيرش يعني قديم تمنيت لو انك ضيعت ولو عدة اشهر في تعلم التحليل الفني على الأقل كان حافظت على اموالك من نهب الناهبين
عموما أتمنى من كل قلبي ان تجد غايتك في هذا المنتدى وتفضله على الالف منتدى التي تاهت فيه احلامك وتمنياتك .. موفق للخير اخوي مهرج
ارجو ان تصغر الصوره المرفقه وتصبح توقيع لك في كل مشاركه او موضوع تكتبه لعل الاخوة يساعدونك بهذا

رد: ابحث عن التدبيلة عندكم
 

والله المعرف يخوف :eek:aaaaa
لكن ماعلينا خلني كن الموضوع عادي

ياهلا بك والله يابو سعد

شرفني ردك يابعدهم

تعال بالحضن bghjk

رد: ابحث عن التدبيلة عندكم
 

الله يحيك ويبقيك

والله يحلى ايامك

والحلو والله طلتك علي ونصحيتك الغالية


انا خلاص تعبت من لعب دور الاركوز


ابغى هذي 5% و7% لو تبغوني اكنس المنتدى كل يوم

رد: ابحث عن التدبيلة عندكم
 

ابو فهد

دقيقة خلني ابطمر احبك




صاحب الخريطة لحياة افضل

ياهلا وغلا ومرحب دبل ثري وفور
توني طالع من السيرك aaaعلى هالمنتدى

يابو فهد انا من ضمن دفعه المكيرش وبندة وشركات الكهرباء الجنوبية والوسطى الخ

والي خلني ما اتعلم التحليل الفني لانني كنت احسب نفسي فاهم ويوم جلدوني عرفت ان العلم يبنى بيوتاً لا عماد لها

كثير من الحكم الان تنطبق علي

مثل ما طار طير الا وقع

ومثل قدم الغشيم والحقه

انا بكل صراحه يابو فهد من قوم طقها والحقها في سوق الاسهم وويمكن يشاركني الكثير في هذا الدبلوم

وبعدين حاولت اتعلم التحليل طلع لي اشياء غريبة

رجل مشنوق ؟؟ وشذا تحليل او جريمة قتل

الغربان الثلاثة ؟؟ احسبه اسم فلم مصري

اختراق وهمي = هذي حلها عاد شايفني جالس مع المضارب عشان اعرف انه اخترق صدق او وهمي ويلعب علي
شموع يابانية ؟؟ يالله نعرف شوي انقليزي تدخلونا على الياباني وعندنا مبارة الاحد مع اوراو يمكن يفوزن علينا ونحقد عليهم وعلى لغتهم وشموعهم

الوضع صعب يابو فهد






اعتقد القطار فاتنا في تعلم التحليل :redface:

يابو فهد
انا اعيش صراع الجبابرة

انا معي فلوسي والجبابرة يصارعوني بياخذونه كله

لاتخلوني

مره كنت في العمل السيرك وطالع مبسوط

ويوم شفت سهمي لينه نازل وخسرت كثير
ضاق صدري ولاعاد ادري وش اسوي

وجتني العبرة




شوفو لي حل:confused:

واشكرك

والله الوقت شوي ضيق علي والا كان كملت :biggrin:

رد: ابحث عن التدبيلة عندكم
 

هلا والله اخيرا شفنا عضو يتكلم مو قص ولصق <<< مثلي

شرفت ياغالي

رد: ابحث عن التدبيلة عندكم
 

معاك الجمعة والسبت
كمل لنا سوالفك الحلوة مع هالبرد
اعطينا ذكرياتك في غرف البالتوك حول الأسهم طبعاً

رد: ابحث عن التدبيلة عندكم